جوعارى وقۋ ورنىنا ءتۇسۋ ءۇشىن ۇ ب ت- دا نەشە بال جيناۋ كەرەك

استانا. قازاقپارات - بيىلعى ۇ ب ت اياسىندا جوعارى وقۋ ورىندارىنا تۇسۋگە ارنالعان شەكتى بال وزگەرگەن جوق.

بۇل تۋرالى ق ر عىلىم جانە جوعارى ءبىلىم ۆيتسە-ءمينيسترى قۋانىش ەرعاليەۆ ءمالىم ەتتى، دەپ حابارلايدى قازاقپارات ءتىلشىسى.

«بيىلعى ۇ ب ت- نىڭ باستى جاڭالىقتارىنا توقتالساق، «قازاقستان تاريحى» جانە «وقۋ ساۋاتى» پاندەرى بويىنشا تەست تاپسىرمالارىنىڭ سانىنا وزگەرىس ەنگىزىلدى. ەندى «قازاقستان تاريحىنىڭ» ءبىر نۇسقاسىندا 20 تەست تاپسىرماسى بولادى، «وقۋ ساۋاتى» بويىنشا 15 تەست سۇراعى ۇسىنىلادى»، - دەدى ق. ەرعاليەۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

ونىڭ ايتۋىنشا، 2022-2023 وقۋ جىلىنان باستاپ «ينفورماتيكا» ءپانى ۇ ب ت- نىڭ بەيىندىك پاندەر كومبيناتسياسىنىڭ تىزىمىنە ەنگىزىلدى. وسى تۇرعىدا «ينفورماتيكا مۇعالىمدەرىن دايارلاۋ»، «اقپاراتتىق تەحنولوگيالار»، «اقپاراتتىق قاۋىپسىزدىك» ءبىلىم بەرۋ باعدارلامالارىنىڭ توپتارىنا تۇسەتىندەر «ماتەماتيكا-ينفورماتيكا» كومبيناتسياسى بويىنشا ۇ ب ت تاپسىرادى.

«شەكتى بال وزگەرگەن جوق. «قۇقىق» جانە «پەداگوگيكالىق عىلىمدار» ءبىلىم بەرۋ سالالارى ءۇشىن كەمىندە 75 بال، «دەنساۋلىق ساقتاۋ جانە الەۋمەتتىك قامتاماسىز ەتۋ (مەديتسينا)» كەمىندە 70 بال، «اۋىل شارۋاشىلىعى جانە بيورەسۋرستار»، «ۆەتەريناريا» كەمىندە 60 بال، ۇلتتىق جوعارى وقۋ ورىندارىنا ءتۇسۋ ءۇشىن كەمىندە 65 بال، سونداي-اق باسقا دا جوعارى وقۋ ورىندارىنا كەمىندە 50 بال جيناۋ كەرەك»، - دەدى ۆيتسە-مينيستر.

بۇدان بۇرىن حابارلانعانداي، بيىل 18- مامىردا وسى جىلداعى نەگىزگى ۇ ب ت باستالدى جانە ول 5- شىلدەگە دەيىن جالعاسادى.

بيىلعى وقۋ جىلىنا 88 مىڭ گرانت ءبولىندى.

وسى جىلى ۇ ب ت- نى ەكى رەت تاپسىرىپ، ەڭ جاقسى ناتيجەنى گرانت كونكۋرسىنا وتكىزۋگە بولادى.