ۇ ب ت: بيىل تەست فورماتىندا وزگەرىس بولمايدى
بۇل تۋرالى ق ر عىلىم جانە جوعارى ءبىلىم ۆيتسە-ءمينيسترى قۋانىش ەرعاليەۆ ءمالىم ەتتى، دەپ حابارلايدى قازاقپارات ءتىلشىسى.
«تەست تاپسىرۋ تىلىنە قاتىستى توقتالساق، تۇلەكتەردىڭ 75 پايىزى قازاق تىلىندە، 25 پايىزى ورىس تىلىندە، 243 ادام (%0,14) اعىلشىن تىلىندە تەستىدەن وتۋگە ءوتىنىش ءبىلدىردى.
بيىل تەست فورماتىندا وزگەرىس جوق. ءپان سانى وزگەرىسسىز قالادى، ياعني ءۇش مىندەتتى جانە ەكى بەيىندىك ءپان قامتىلعان. بارلىعى 120 تەست سۇراعى بولادى. ەڭ جوعارى ۇپاي - 140. تەستىلەۋدىڭ جالپى ۋاقىتى 4 ساعاتقا جالعاسادى»، - دەدى ق. ەرعاليەۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
«ەرەكشە ءبىلىم بەرۋ قاجەتتىلىكتەرى بار تالاپكەرلەردىڭ تەست تاپسىرۋىنا قولايلى جاعداي قاراستىرىلعان. ماسەلەن، ولار ۇ ب ت تاپسىرۋ ءۇشىن قوسىمشا 40 مينۋتقا ۋاقىت بەرىلەدى. وسى ساناتتاعى ازاماتتار ءۇشىن سىزبا جانە دياگراممالارسىز سۇراقتار جاسالدى»، - دەدى ۆيتسە-مينيستر.
بۇدان بۇرىن حابارلانعانداي، بيىل 18- مامىردا وسى جىلداعى نەگىزگى ۇ ب ت باستالدى جانە ول 5- شىلدەگە دەيىن جالعاسادى.
بيىلعى وقۋ جىلىنا 88 مىڭ گرانت ءبولىندى.
وسى جىلى ۇ ب ت- نى ەكى رەت تاپسىرىپ، ەڭ جاقسى ناتيجەنى گرانت كونكۋرسىنا وتكىزۋگە بولادى.