بايتەرەك حولدينگى قىتايدىڭ ءىرى قارجى ينستيتۋتتارىمەن ىنتىماقتاستىقتى كەڭەيتەدى

شيان. قازاقپارات - مەملەكەت باسشىسى قاسىم- جومارت توقايەۆتىڭ ق ح ر- عا مەملەكەتتىك ساپارى اياسىندا «بايتەرەك» حولدينگى قىتايدىڭ ءىرى قارجى ينستيتۋتتارىمەن ىنتىماقتاستىق تۋرالى كەلىسىمگە قول قويدى، دەپ حابارلايدى قازاقپارات ءتىلشىسى.

«بايتەرەك» ۇلتتىق باسقارۋشى حولدينگى» ا ق باسقارما ءتوراعاسى قانات شارلاپايەۆتىڭ اتاپ وتۋىنشە، قىتايدىڭ مەملەكەتتىك دامۋ بانكى، ونەركاسىپتىك- كوممەرتسيالىق بانكى جانە China International Capital Corporation سىندى قارجى ينستيتۋتتارىمەن ىنتىماقتاستىق تۋرالى كەلىسىم راسىمدەلگەن.

«ءبىز ءبىراز ۋاقىتتان بەرى بىرگە جۇمىس ىستەپ كەلە جاتقان ءىرى قارجى ينستيتۋتى - قىتايدىڭ مەملەكەتتىك دامۋ بانكىمەن كەلىسىم قازاقستانداعى جوبالاردى قارجىلاندىرۋدىڭ جالعاسى سانالادى» ، - دەپ اتاپ وتەدى قانات شارلاپايەۆ.

«بايتەرەك» حولدينگى باسشىسىنىڭ اتاپ وتۋىنشە، كەلەسى قۇجات تەك قانا قىتايدا عانا ەمەس، سونىمەن بىرگە الەمدە جەتەكشى ورىنعا يە بولىپ وتىرعان قارجى ينستيتۋتى - قىتايدىڭ ونەركاسىپتىك- كوممەرتسيالىق بانكىمەن راسىمدەلگەن.

سونىمەن قاتار «بايتەرەك» حولدينگى مەن China International Capital Corporation اراسىندا ءوزارا ءىس- قيمىل تۋرالى مەموراندۋمعا قول قويىلدى.

«ءبىز اتالعان ينۆەستيتسيالىق ينستيتۋتپەن بىرگە ىنتىماقتاستىقتى دامىتاتىن بولامىز»، - دەپ اتاپ وتەدى قانات شارلاپايەۆ.

«بايتەرەك» حولدينگىنىڭ باسشىسى قازاقستاندىق جانە قىتايلىق ءىرى كومپانيالاردىڭ قاتىسۋىمەن وتكەن دوڭگەلەك ۇستەل وتىرىسىن ايرىقشا اتاپ ءوتتى.

«ءبىز قىتايلىق بيزنەس تاراپىنان قازاقستانمەن ءوزارا ءىس- قيمىل مەن قازاقستاندىق ەكونوميكاعا ينۆەستيتسيانى ۇلعايتۋعا دەگەن زور قىزىعۋشىلىقتى بايقاپ وتىرمىز»، - دەپ قوستى ول.

«بايتەرەك» ۇ ب ح» ا ق نەگىزگى دامۋ ينستيتۋتى جانە قازاقستان ۇكىمەتىنىڭ باستى قارجى اگەنتى سانالادى. ول قازاقستان ەكونوميكاسىنى نەگىزگى باسىم سەكتورلارىنا قولداۋ كورسەتەدى. حولدينگتىڭ جالپى اكتيۆى 29 ميلليارد دوللاردى، ال كاپيتالى 3,8 ميلليارد دوللاردى قۇرايدى.

حولدينگ پەن ونىڭ 8 قورجىندىق كومپانياسى كەلەسى ستراتەگيالىق باعىتتاردا شوعىرلانعان: ونەركاسىپتىك جانە يننوۆاتسيالىق دامۋ، ۇلتتىق ونىمدەر ەكسپورتىن ىلگەرىلەتۋ، شاعىن جانە ورتا كاسىپكەرلىكتى دامىتۋ، اگروونەركاسىپ كەشەنىن دامىتۋ انە تۇرعىن ءۇي- قۇرىلىس سەكتورى. مۇنان بولەك، «بايتەرەك» حولدينگى «جاسىل» جوبالاردى دامىتۋعا ايرىقشا نازار اۋدارىپ وتىر.