ەلىمىزدە كاسپي تەڭىزىن زەرتتەيتىن عىلىمي ينستيتۋت اشىلادى

اتىراۋ. قازاقپارات - ەلىمىزدە كاسپي تەڭىزىن زەرتتەيتىن عىلىمي ينستيتۋت اشىلادى. بۇل تۋرالى اتىراۋ وبلىسى اكىمىنىڭ ورىنباسارى جاسۇلان بيسەمبيەۆتىڭ توراعالىعىمەن وتكەن جيىندا بەلگىلى بولدى، دەپ حابارلايدى قازاقپارات ءتىلشىسى.

جيىنعا وبلىستىق ەكولوگيا دەپارتامەنتىنىڭ باسشىسى الىبەك بەكمۇحامەتوۆ، «كازاگرومەليوۆودحوز» ر م م-نىڭ باسشىسى ماقسات مونتايەۆ، مەملەكەتتىك مەكەمەلەر باسشىلارى، وبلىستىق ءماسليحات دەپۋتاتتارى، NCOC كومپانياسىنىڭ وكىلدەرى مەن قوعام بەلسەندىلەرى قاتىستى.

«كازاگرومەليوۆودحوز» ر م م-نىڭ باسشىسىنىڭ ورىنباسارى قايراتقالي حايرۋللانىڭ ايتۋىنشا، سوڭعى ونجىلدىقتا كاسپي تەڭىزىندە ەلەۋلى وزگەرىستەر بايقالعان. تەڭىزدە سۋ دەڭگەيىنىڭ تومەندەگەن. تەڭىز تابانىنان كومىرسۋتەكتى شيكىزاتتى وندىرۋگە بايلانىستى انتروپوگەندىك جۇكتەمەنىڭ ارتقان. سونداي-اق، تەڭىزگە تۇسەتىن توگىندىلەردەن لاستاۋشى زاتتاردىڭ جوعارى كونسەنتراتسياسى انىقتالىپ وتىر. زاڭسىز بالىق اۋلاۋ، يتبالىقتار مەن بالىقتاردىڭ قىرىلۋى ەكولوگيالىق تەپە- تەڭدىكتىڭ بۇزىلۋىنا اسەر ەتەدى.

مەملەكەت باسشىسى كاسپي تەڭىزىن زەرتتەۋمەن اينالىساتىن مەملەكەتتىك عىلىمي ينستيتۋت قۇرعان ءجون ەكەنىن ايتقان بولاتىن.

مامانداردىڭ پىكىرىنشە، ينستيتۋت قىزمەتى بىرنەشە باعىتتى قامتىماق.

بىرىنشىدەن، كاسپي تەڭىزىنىڭ ەكولوگيالىق پروبلەمالارىن زەرتتەۋگە نازار اۋدارىلادى. ەكىنشىدەن، سۋ دەڭگەيىنىڭ تومەندەۋى زەرتتەلەدى. ۇشىنشىدەن، يتبالىقتار مەن بالىقتاردىڭ جاپپاي قىرىلۋ سەبەپتەرىن انىقتالادى. تورتىنشىدەن، كاسپي يتبالىعىنىڭ پوپۋلياتسياسىن ساقتاۋ ماسەلەسى قامتىلادى. بەسىنشىدەن، تەڭىزدىڭ يحتيوفاۋناسى زەرتتەۋ ۇسىنىلىپ وتىر. التىنشىدار، كاسپي تەڭىزىنىڭ اكۆاتورياسى مەن جاعالاۋىنا تۇراقتى تەكسەرۋ جۇرگىزىلەدى. جەتىنشىدەن، كاسپي ماڭى مەملەكەتتەرىندەگى ارىپتەستەرىمەن تىعىز قارىم-قاتىناستى قامتاماسىز ەتۋ كوزدەلگەن.

قازىر عىلىمي ينستيتۋتتىڭ كونسەپتسياسى دايىندالىپ جاتىر. ينستيتۋت باس كەڭسەسى اقتاۋ قالاسىندا ورنالاسادى. ال، اتىراۋدا فيليالىن اشۋ كوزدەلگەن.