رەسپۋبليكانىڭ باسىم بولىگىندە جاڭبىر جاۋىپ، ەكى وبلىستا ۇسىك جۇرەدى - قازگيدرومەت
وڭتۇستىك سيكلون جانە ونىمەن بايلانىستى اتموسفەرالىق فرونتالدى بولىمدەردىڭ اسەرىنەن قازاقستاننىڭ كوپ بولىگىندە كۇن قۇبىلىپ تۇرادى. كەي جەرلەردە نايزاعاي ويناپ جاڭبىر جاۋادى، وڭتۇستىك- باتىستا، سولتۇستىك- باتىستا، وڭتۇستىكتە قاتتى جاڭبىر جاۋادى.
قازاقستاننىڭ وڭتۇستىك- باتىسىندا، سولتۇستىك- باتىسىندا، وڭتۇستىگىندە جانە ورتالىعىندا بۇرشاق جاۋۋى ىقتيمال. رەسپۋبليكامىزدىڭ سولتۇستىگىندە، شىعىسىندا، وڭتۇستىك- شىعىسىندا سولتۇستىك- باتىس انتيسيكلوننىڭ جوتاسى ءوز اسەرىن تيگىزىپ، كۇن جاۋىن- شاشىنسىز بولادى. رەسپۋبليكا بويىنشا جەل كۇشەيەدى، ەلدىڭ سولتۇستىگىندە - تۇمان، سولتۇستىك- باتىسىندا شاڭدى داۋىل تۇرادى.
اقتوبە وبلىسىنىڭ وڭتۇستىگىندە، تاڭەرتەڭ جانە كۇندىز الماتى وبلىسىنىڭ وڭتۇستىگىندە جانە تاۋلى اۋداندارىندا، كۇندىز ماڭعىستاۋ وبلىسىنىڭ سولتۇستىك- باتىسىندا، وڭتۇستىگىندە، ورتالىعىندا، تۇندە قىزىلوردا وبلىسىنىڭ سولتۇستىگىندە، ورتالىعىندا قاتتى جاڭبىر جاۋادى.
تۇندە اقمولا وبلىسىنىڭ سولتۇستىك- شىعىسىندا توپىراق بەتىندە 2 گرادۋس ۇسىك جۇرەدى. سولتۇستىك قازاقستان، پاۆلودار وبلىستارىنىڭ سولتۇستىگىندە، شىعىس قازاقستان وبلىسىنىڭ شىعىسىندا 2 گرادۋس ۇسىك جۇرەدى.
قىزىلوردا وبلىسىندا، تۇركىستان وبلىسىنىڭ سولتۇستىگىندە جانە ورتالىعىندا، اقتوبە، ۇلىتاۋ وبلىستارىنىڭ وڭتۇستىگىندە، الماتى وبلىسىنىڭ سولتۇستىك- باتىسىندا توتەنشە ءورت قاۋىپى ساقتالادى.