جازدا دوللار باعامى قانداي بولۋى مۇمكىن

استانا. قازاقپارات - قازاقستان قارجىگەرلەرى قاۋىمداستىعى مامىرداعى كەيبىر ينديكاتورلارعا قاتىستى قارجى نارىعى كاسىبي قاتىسۋشىلارى اراسىنداعى كەزەكتى ساۋالناما ناتيجەلەرىن ۇسىندى، دەپ حابارلايدى قازاقپارات ءتىلشىسى.

ارجى نارىعى كاسىبي قاتىسۋشىلارىنىڭ، بانك، ساقتاندىرۋ، بروكەرلىك ۇيىمدار وكىلدەرىنىڭ، تالداۋ جانە قازىناشىلىق بولىمشەلەرى قىزمەتكەرلەرىنىڭ پىكىرى زەرتتەلگەن. رەسپوندەنتتەردىڭ «Brent» ماركالى مۇنايدىڭ باعاسى، رەسەي ءرۋبلى مەن قازاقستان تەڭگەسىنە قاتىستى، ا ق ش دوللارىنىڭ قۇنى، ينفلياتسيا، ج ءى ءو، ۇلتتىق بانكتىڭ بازالىق مولشەرلەمەسى سەكىلدى نەگىزگى ينديكاتورلار بويىنشا بولجامدار تۋرالى سۇراقتارعا جاۋاپتارى ۇسىنىلعان.

«ۇلتتىق قوردان شەتەلدىك ۆاليۋتانى ساتۋ، كۆازيمەملەكەتتىك سەكتور سۋبەكتىلەرىنىڭ ۆاليۋتالىق ءتۇسىمدى مىندەتتى ساتۋى (مامىر ايىندا شامامەن 1 ميلليارد ا ق ش دوللارى) جانە مامىر ايىنداعى سالىق كەزەڭى بىرلەسىپ، سىرتقى فاكتورلاردىڭ ۇلتتىق ۆاليۋتا باعامىنا تەرىس اسەرىن ءىشىنارا تەڭەستىرۋى مۇمكىن. قارجى نارىعىنىڭ ساراپشىلارى 2023-جىلدىڭ ماۋسىم ايىنىڭ باسىندا USD/KZT باعامى ءبىر دوللار ءۇشىن 452,0 تەڭگە بولادى دەپ بولجايدى، ال ءبىر جىلدان كەيىن - ءبىر دوللار باعامى 476,4 تەڭگەگە دەيىن ءوسۋى مۇمكىن (قازىرگى دوللار باعاسىنا %6,1+)»، - دەپ جازىلعان قازاقستان قارجىگەرلەرى قاۋىمداستىعىنىڭ ماقالاسىندا.

قارجى ساراپشىلارى ءبىر جىل بويى مۇناي باعاسىنىڭ ءوسۋىن بولجاسا دا، ولاردىڭ شيكىزات نارىعىنداعى باعاعا بولجامدارى ءبىرشاما ناشارلادى ء(بىر اي بۇرىن باررەلىنە 86,1 دوللار بولسا، قازىر 84,1 دوللار).

«ايتا كەتەيىك، مامىر ايىنىڭ باسىنان باستاپ مۇنايدىڭ باعا بەلگىلەنىمى تومەندەۋدى (%7-) جالعاستىردى، ويتكەنى جاھاندىق نارىقتا مۇنايدىڭ تۇراقتى ۇسىنىسى ساقتالىپ، ا ق ش پەن قىتاي تاراپىنان شيكىزاتقا سۇرانىستىڭ تومەندەۋى كۇتىلىپ وتىر. ساۋالناماعا قاتىسۋشىلار الداعى 12 ايدا رەسەي ۆاليۋتاسىنىڭ ءبىر دوللار ءۇشىن 87,1 رۋبلگە دەيىن %12 عا السىرەۋىن بولجاعان. بۇل گەوساياسي سىن-قاتەردىڭ ساقتالۋىنا (ەو سانكتسيالارىنىڭ 11- پاكەتى)، رەسەي فەدەراتسياسىنىڭ ساۋدا بالانسى پروفيتسيتىنىڭ ايتارلىقتاي تومەندەۋىنە جانە شەتەلدىك كومپانيالاردىڭ رەسەيلىك بيزنەستەن شىعۋىنا بايلانىستى بولۋى مۇمكىن»، - دەيدى قاۋىمداستىق.

سونىمەن بىرگە، قارجى ساراپشىلارىنىڭ مامىر ايىنداعى بولجامىنا سايكەس، ءبىر جىلدان كەيىن ەلدەگى باعانىڭ ءوسۋى %12,6 بولۋى مۇمكىن، ءبىر اي بۇرىن بۇل كورسەتكىش %14,4 دەپ بولجانعان ەدى.

الايدا، ساراپشىلاردىڭ كوپشىلىگى مۇنىڭ ۇلتتىق بانكتىڭ 26- مامىرداعى اقشا- نەسيە ساياساتى بويىنشا وتىرىسىندا بازالىق مولشەرلەمەنى تومەندەتۋىنە سەبەپ بولمايتىنىن ايتادى: رەسپوندەنتتەردىڭ %79 ى ونىڭ قازىرگى دەڭگەيدە ساقتالۋىن كۇتەدى جانە تەك %21 ى تومەندەۋدى بولجاعان.

مۇنايدىڭ جوعارى باعاسىن بولجاۋ اياسىندا (قازىر 73,5 دوللار) الداعى 12 ايدا ج ءى ءو ءوسىمى بويىنشا بولجام ءبىر اي بۇرىن %3,6 بولسا، قازىر %3,8 عا دەيىن كوتەرىلگەن.