14:51, 16 - مامىر 2023 | GMT +6
اناسىن ەمگەن بالا اۋىرمايدى
استانا. قازاقپارات- بۇرىننان ايتىلىپ كەلگەن اقيقاتتى عالىمدار تاعى دا دالەلدەپ شىعارعانداي. اناسىن ەمگەن بالا ەشقاشان اۋىرمايدى. بۇل - ءبىر. ەكىنشىدەن، انا سۇتىمەن وسكەن ءسابي ۇلكەيگەندە كەز كەلگەن كۇيزەلىستى باستان كەشىرمەيدى.
بۇل تۋرالى نەمىس عالىمدارى پىكىر ايتىپ وتىر.
52 ادامدى زەرتتەپ كورگەن ماماندار دەنى ساۋ 106 ادامعا زەرتتەۋ جۇمىستارىن جۇرگىزگەن. ناتيجەسى تومەندەگىدەي: جالپى، انا بار ىنتا-ىقىلاسىمەن، پەيىلىمەن بالانى ەمىزۋى كەرەك ەكەن. ەگەر اشۋلانىپ وتىرعان بولسا، ول كەيىن بالانىڭ پسيحيكاسىنا دا بەرىلەدى. سوندىقتان ءسابيدىڭ ۇزاق ەمۋى وسكەندە ناتيجەسىن كورسەتەدى. انا مەن بالا اراسىنداعى مۇنداي جىلى بايلانىس جاسوسپىرىمدى كەز كەلگەن جاعدايعا دايىن بولۋعا بەيىمدەيدى. انا ءسۇتى جەتكىنشەكتى اياق استىنان بولاتىن تۇرمىستاعى جانە تىرشىلىكتەگى ءارتۇرلى كۇيزەلىستەن قۇتقارۋعا جاردەمىن تيگىزەدى. سوندىقتان جاس انالار بالاسىن ەمىزۋدەن قاشپاعانى دۇرىس!