قازاقستاننىڭ باسىم بولىگىندە جاۋىن جاۋادى، كەي جەرلەرگە بۇرشاق جاۋىپ، شاڭدى داۋىل تۇرادى - اۋا رايى
كاسىپورىننىڭ دەرەكتەرىنە قاراعاندا، وڭتۇستىك سيكلون جىراسىنىڭ جانە ونىمەن بايلانىستى اتموسفەرالىق فرونتالدى بولىمدەردىڭ اسەرىنەن ەلىمىزدىڭ باسىم بولىگىندە كۇن رايى قۇبىلمالى بولادى. جاڭبىر جاۋىپ، نايزاعاي وينايدى، تۇندە وبلىستىڭ وڭتۇستىك-باتىسىندا قاتتى جاڭبىر جاۋادى. قازاقستاننىڭ وڭتۇستىك- باتىسىندا، وڭتۇستىگىندە، ورتالىعىندا بۇرشاق جاۋۋى مۇمكىن. رەسپۋبليكانىڭ سولتۇستىگىندە، شىعىسىندا، وڭتۇستىك-شىعىسىندا سولتۇستىك- باتىس انتيسيكلونىنىڭ اسەرىنەن كۇن جاۋىن-شاشىنسىز بولادى. رەسپۋبليكا بويىنشا جەل كۇشەيىپ، سولتۇستىكتە، شىعىستا تۇمان تۇسەدى، وڭتۇستىكتە شاڭدى داۋىل تۇرادى.
تۇندە ماڭعىستاۋ وبلىسىنىڭ وڭتۇستىگىندە، شىعىسىندا قاتتى جاڭبىر جاۋادى.
تۇندە اقمولا وبلىسىنىڭ باتىسىندا، شىعىسىندا، پاۆلودار، قاراعاندى وبلىستارىنىڭ سولتۇستىگىندە، شىعىسىندا، اباي وبلىسىنىڭ باتىسىندا، شىعىس قازاقستان وبلىسىنىڭ شىعىسىندا 1-3 گرادۋس ۇسىك جۇرەدى، سولتۇستىك قازاقستان وبلىسىنىڭ باتىسىندا، قوستاناي وبلىسىنىڭ سولتۇستىگىندە توپىراق بەتىندە 2 گرادۋس ۇسىك جۇرەدى.
قىزىلوردا وبلىسىندا، تۇركىستان وبلىسىنىڭ سولتۇستىگىندە، ورتالىعىندا، اقتوبە، ۇلىتاۋ وبلىستارىنىڭ وڭتۇستىگىندە، الماتى وبلىسىنىڭ سولتۇستىك- باتىسىندا توتەنشە ءورت قاۋپى ساقتالادى.