شەكارا قىزمەتىنىڭ بۇرىنعى باستىعى دارحان ءدىلمانوۆتىڭ ءىسى سوتقا جولدانبادى – ۇ ق ك

None
استانا. قازاقپارات - شەكارا قىزمەتىنىڭ بۇرىنعى ديرەكتورى دارحان ءدىلمانوۆتىڭ ءىسى بويىنشا دەرەكتەرمەن تانىستىرۋ ءجۇرىپ جاتىر.

بۇل تۋرالى ق ر ۇلتتىق قاۋىپسىزدىك كوميتەتى ءتوراعاسىنىڭ ورىنباسارى مارات قالقابايەۆ ءمالىم ەتتى، دەپ حابارلايدى قازاقپارات ءتىلشىسى.

بۇگىن پارلامەنت ماجىلىسىندە وتكەن باسپا ءسوز ءماسليحاتىندا تىلشىلەر ۇ ق ك وكىلىنەن شەكارا قىزمەتىنىڭ ديرەكتورى بولعان دارحان دىلمانوۆكە قاتىستى ءىس جايىندا سۇرادى.

«ءىس ءالى سوتقا جولدانعان جوق. قازىر ءىس دەرەكتەرىمەن تانىستىرۋ ءجۇرىپ جاتىر»، - دەدى مارات قالقابايەۆ.

سونىمەن قاتار ول ءىس بويىنشا باسقا مالىمەتتى جاريالاي المايتىنىن ايتتى.

ەسكە سالا كەتەيىك، بىلتىر ماۋسىم ايىندا ۇلتتىق قاۋىپسىزدىك كوميتەتى قازاقستان- قىتاي شەكارا بەكەتتەرىندە انىقتالعان بيلىكتى اسىرا پايدالانۋ فاكتىلەرى بويىنشا جۇرگىزىپ جاتقان سوتقا دەيىنگى تەرگەۋ اياسىندا بۇرىنعى ۇ ق ك ءتوراعاسىنىڭ ورىنباسارى - شەكارا قىزمەتىنىڭ ديرەكتورى، گەنەرال- لەيتەنانت دارحان ءدىلمانوۆ جانە باسقا دا ادامدار ۇستالىپ، ۋاقىتشا ۇستاۋ يزولياتورىنا قامالعان بولاتىن.

بىلتىر 5- ساۋىردە مەملەكەت باسشىسىنىڭ وكىمىمەن د. ءدىلمانوۆ لاۋازىمىنان بوساتىلدى.


سوڭعى جاڭالىقتار