عالىمدار جۇرەككە پايدالى تاعامدى اتادى
تاعامعا بالدىر قوسۋ قانداعى حولەستەرين دەڭگەيىن باقىلاۋعا كومەكتەسىپ، اتەروسكلەروزدىڭ تۋۋىنا جول بەرمەيدى دەيدى عالىمدار. ولاردىڭ ايتۋىنشا، ءونىم كالورياسى تومەن، ال ونداعى امينقىشقىلداردىڭ، ءتۇرلى دارۋمەندەر مەن مينەرالداردىڭ كولەمى مول.
بالدىرلارى بىرنەشە اي بويى ساقتاۋعا بولادى. سونداي-اق عالىمدار بالدىرلاردىڭ بارلىعى بىردەي ادام ءۇشىن پايدالى بولمايتىنىن ەسكەرتتى.
ال امەريكالىق عالىمدار سارىمساق سىعىندىسىن زەرتتەدى. عىلىمي جۇمىستىڭ ناتيجەسىنە سايكەس، سارىمساق سىعىندىسىن كۇندەلىكتى تاماققا پايدالانعان جاعدايدا، ول مايلى تاماقتى جەۋ سالدارىنان قان تامىرىنىڭ قابىرعاسىندا پايدا بولاتىن تۇيىندىلەردىڭ سانىن ازايتۋعا كومەكتەسەدى.
Science World Report حابارلاۋىنشا، زەرتتەۋ تاجىريبەسىنە جاس شاماسى 40 پەن 75 ارالىعىنداعى ەلۋ بەس ادام قاتىسقان. ولاردىڭ بارلىعى اعزاداعى زات الماسۋدىڭ بۇزىلۋى سالدارىنان سەمىزدىك بەلگىلەرى بار مەتابوليكالىق سيندروممەن اۋىراتىن بولعان. بۇل ناۋقاستاردان ەندى باستالىپ كەلە جاتقان جۇرەك اۋرۋى دا بايقالدى.
سىناق كەزىندە ولاردىڭ كەيبىرى 2400 ميلليگرام سارىمساق سىعىندىسىن ىشسە، قالعاندارىنا بۇل سىعىندى بەرىلمەگەن. باستاپقىدا قاتىسۋشىلاردىڭ بارلىعىنىڭ قان تامىرلارىنداعى تۇيىندىلەر مەن كالتسيي مولشەرى ەسەپكە الىندى. ءبىر جىلدان كەيىن وسى ناۋقاستاردى قايتا تەكسەرگەن كەزدە، سارىمساق سىعىندىسىن قولدانعان ادامداردىڭ تامىرىنداعى تۇيىندىلەردىڭ %80 عا دەيىن باياۋ وسكەندىگى انىقتالدى. سايكەسىنشە، ولاردىڭ جۇرەك تالماسىمەن اۋرۋ قاۋپى دە ازايعان. مامانداردىڭ ايتۋىنشا، سارىمساقتىڭ قۇرامىنداعى كومىرسۋتەكتەر اعزا ءۇشىن وتە پايدالى ەلەمەنت بولىپ تابىلادى.