قازاق بوكسشىلارى الەم چەمپيوناتى فينالىندا كىمدەرمەن جۇدىرىقتاسادى

تاشكەنت. قازاقپارات - تاشكەنتتە ەرلەر اراسىندا ءوتىپ جاتقان بوكستان الەم چەمپيوناتىندا فينالعا شىققان سپورتشىلار انىقتالدى، دەپ حابارلايدى قازاقپارات ءتىلشىسى.

سوڭعى باسەكەگە قاتىساتىن بوكسشىلار جونىندە شارشى الاڭ يەلەرى - وزبەكستان قۇراماسى (7 فيناليست) كوش باستاپ تۇر.

قازاقستان ەكىنشى ورىندا، ەلىمىزدەن بەس بوكسشىمىز التىن ءۇشىن تالاسادى.

كۋبادان - 4، فرانسيا مەن رەسەيدەن ەكى- ەكىدەن، گرۋزيا، موڭعوليا، برازيليا، قىتاي، ازەربايجان جانە يتاليادان ءبىر-بىردەن سپورتشى فينالعا شىقتى.

قازاقستاندىقتاردان سانجار تاشكەنباي (48 ك گ) فينالدا گرۋزيالىق ساحيل الاحۆەردوبيمەن، ماحمۇد سابىرحان (54 ك گ) وزبەكستاندىق ويبەك دجۋرايەۆپەن، دۋلات بەكباۋوۆ (67 ك گ) اسادحۋدجا مۋيدينحۋدجايەۆپەن، اسلانبەك شىمبەرگەنوۆ (71 ك گ) سايدجامشيد دجافاروۆپەن (ەكەۋى دە - وزبەكستان)، نۇربەك ورالباي (80 ك گ) قىتاي قازاعى توقتاربەك تاڭاتحانمەن قولعاپ تۇيىستىرەدى.

ەسكە سالا كەتەيىك، بۇدان بۇرىن قازاقستاندىق بەس بوكسشىنىڭ الەم چەمپيوناتىنىڭ فينالىنا شىعۋ ءۇشىن سىنعا تۇسەتىنىن جازعان بولاتىنبىز.

قازاقستان قۇراماسىنان ءبىرىنشى بولىپ سانجار تاشكەنباي فينالعا ءوتتى.

سونىمەن بىرگە ماحمۇد سابىرحان، دۋلات بەكباۋوۆ، نۇربەك ورالباي جانە ۇلتتىق قۇراما كاپيتانى اسلانبەك شىمبەرگەنوۆ تە - فينالدا.

قىتاي قازاعى توقتاربەك تاڭاتحان مەن قازاقستاندىق نۇربەك ورالباي الەم چەمپيوناتىنىڭ فينالىندا التىنعا تالاسادى.

ودان بولەك، وزبەكستان قۇراماسىنداعى قازاق جىگىتى فينالدا ونەر كورسەتەدى.