الماتى بوتانيكالىق باعىندا مەديتسينادا كەڭىنەن قولدانىلاتىن وسىمدىك وسەدى
قازاقستان تەرريتورياسى دارىلىك وسىمدىكتەرگە باي. ولاردىڭ اراسىندا رەسمي مەديتسينادا قابىلدانعان، حالىق مەديتسيناسىندا كەڭىنەن قولدانىلاتىن وسىمدىكتەر دە بار. سولاردىڭ ءبىرى - ورتالىق ازيانىڭ ەندەميگى سيەۆەرتسوۆ كورولكوۆيا. ولار تاۋ ەتەگىندە، سازدى جانە تاستى بەتكەيلەردە وسەدى.
بوتانيكالىق باقتىڭ مالىمەتىنشە، سيەۆەرتسوۆ كورولكوۆيا (لات. Fritillaria sewerzَwii) لالاگۇلدىلەر تۇقىمداسىنىڭ ريابچيك تۇرىنە جاتادى، كوپ جىلدىق شوپتەسىن وسىمدىك. وسىمدىك اۋەسقوي بوتانيك نيكولاي كورولكوۆ ەسىمىمەن اتالادى، ال ءتۇرىنىڭ اتاۋى رەسەيلىك زووگەوگراف جانە ەكولوگ نيكولاي سيەۆەرتسوۆتىڭ قۇرمەتىنە بەرىلگەن.
«سيەۆەرتسوۆ كورولكوۆيا بيىكتىگى 25-50 س م جەتەدى. ساباعى ءتۇزۋ، جالاڭاش، قالىڭ، بالاما جاپىراقتارى بار، ولار كوكشىل گۇلمەن جابىلعان. گۇلشوعىرى - كوپتەگەن قوڭىراۋ ءتارىزدى سالبىراعان گۇلدەرى بار. تومەن جاقتاعى گۇلدەرى ۇلكەندەۋ، ۇزىندىعى 2,5 س م-گە دەيىن، قوس جىنىستى، ۇستىڭگىلەرى ستامينالدى بولادى. گۇلدەردىڭ ءتۇسى كوبىنەسە جاسىل-قوڭىر، كەيدە قارا-قوڭىر نەمەسە التىن-سارى بولادى. قۇرامىندا %40 دەيىن كراحمال جانە %1 الكالويدتارى بار. قازاق، وزبەك حالىق مەديتسيناسىندا ادامنان تەر شىعاراتىن وسىمدىك رەتىندە قولدانىلىپ كەلەدى»، - دەپ حابارلادى زووباقتىڭ ۇجىمى.
قازىرگى ۋاقىتتا سيەۆەرتسوۆ كورولكوۆيا بوتانيكالىق باقتىڭ دارىلىك وسىمدىكتەردى جيناۋ ايماعىندا وسەدى. بوتانيكالىق باقتا العاش رەت ول 1989 -جىلى ەگىلگەن بولاتىن.