جولدا شلەم كيمەگەن ەلەكتر ساموكات جۇرگىزۋشىلەرىنە ايىپپۇل سالىنادى

استانا. قازاقپارات - ەلىمىزدە شلەم كيمەگەن ەلەكتر ساموكات جۇرگىزۋشىلەرىنە ايىپپۇل سالىنادى. بۇل تۋرالى ق ر ىشكى ىستەر ءمينيسترىنىڭ ورىنباسارى يگور لەپەحا ايتتى، دەپ حابارلايدى قازاقپارات ءتىلشىسى.

«جول بويىندا ساموكات پەن اۆتوكولىك سوقتىعىسقان جاعدايدا عانا ستاتيستيكا جۇرگىزىلەدى. بىلتىر ەلىمىزدە وسىنداي 43 اپات بولدى، ءبىر ادام قازا تاپتى. ولاردىڭ بارلىعى الماتىدا تىركەلدى. بيىلدىڭ وزىندە وسىنداي ەكى فاكتى بار. ءبىراق بۇل ەلەكتر ساموكاتتىڭ اۆتوكولىكپەن نەمەسە موتوتسيكلمەن سوقتىعىسقان كەزدەگى ستاتيستيكاسى. جاياۋ جۇرگىنشىلەر جولاعىندا اپاتتار الدەقايدا كوپ. الايدا بۇل وقيعالار بويىنشا ستاتيستيكا جۇرگىزىلمەگەن. ەندى كولىكتىڭ وسى تۇرىنە قاتىستى ناقتى تالاپتاردى زاڭداستىرساق، باس پروكۋراتۋرا مۇنداي ستاتيستيكانى قامتيدى»، - دەدى يگور لەپەحا ماجىلىستە تىلشىلەر سۇراعىنا جاۋاپ بەرە وتىرىپ.

ونىڭ ايتۋىنشا، ەلىمىزدە ەلەكتر ساموكاتتاردىڭ جىلدامدىعى ساعاتىنا 25 كيلومەتردەن اسپاۋى ءتيىس.

«ساموكاتپەن جولعا شىققان كەزدە، ونىڭ جۇرگىزۋشىدە مىندەتتى تۇردە ءتيىستى شلەم مەن جارىق شاعىلىستىراتىن (تۇندە) كيىمى بولۋى كەرەك. بۇل تالاپتاردى ەلەمەگەندەرگە ايىپپۇل سالىنادى»، - دەدى ءمينيستردىڭ ورىنباسارى.

بۇدان بۇرىن حابارلانعانداي، بۇگىن ءماجىلىستىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جول ءجۇرىسىن ۇيىمداستىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭى قابىلداندى. قۇجات اياسىندا ەلەكتر ساموكاتتارمەن جولدا ءجۇرۋ ءتارتىبى رەتتەلەدى.

ەلەكتر ساموكاتتا جۇكتەر مەن جولاۋشىلاردى تاسىمالداۋعا تىيىم سالىنادى.