16:57, 02 - مامىر 2023 | GMT +6
ەلوردادا بالاباقشادان ءورت شىقتى
استانا. قازاقپارات - استانادا بالاباقشالاردىڭ بىرىنەن ءورت شىقتى، دەپ حابارلايدى قازاقپارات ءتىلشىسى قالالىق توتەنشە جاعدايلار دەپارتامەنتىنىڭ باسپا ءسوز قىزمەتىنە سىلتەمە جاساپ.
«2- مامىر كۇنى ساعات 15:29 دا استانا قالاسى توتەنشە جاعدايلار دەپارتامەنتىنىڭ ءورت ءسوندىرۋ بولىمشەسىنە حلۋدوۆ كوشەسى، 1 مەكەنجايىندا بالاباقشا ورتەنىپ جاتقانى تۋرالى حابار ءتۇستى. وقيعا ورنىنا جەتكەن ءورت سوندىرۋشىلەر بالاباقشا شاتىرىنىڭ جانىپ جاتقانىن انىقتادى. قۇتقارۋشىلار دەرەۋ ادامداردى ىزدەۋگە كىرىستى. بالاباقشا اكىمشىلىگىنىڭ ايتۋىنشا، بارلىق بالانى ءورت ءسوندىرۋ قىزمەتى كەلگەنگە دەيىن ەۆاكۋاتسيالاعان»، - دەلىنگەن حابارلامادا.
ءورت ءسوندىرۋ قىزمەتى وقيعا ورنىندا جۇمىسىن جالعاستىرىپ جاتىر.