جاڭا ادامدار: استاناداعى جاياۋ جۇرگىنشىلەر كوپىرى بەزەندىرىلدى

استانا. قازاقپارات - «جاڭا ادامدار» قوزعالىسىنىڭ بەلسەندىلەرى قازاقستان حالقىنىڭ بىرلىگى كۇنى ەلورداداعى «سەرۋەن» جاياۋ جۇرگىنشىلەر كوپىرىن بەزەندىردى، دەپ حابارلايدى قازاقپارات ءتىلشىسى ۇيىمنىڭ باسپا ءسوز قىزمەتىنە سىلتەمە جاساپ.

«ءبىز «بىرلىك كوپىرى» مادونناريىن سالدىق. كالليگراف تامەرلان كياروۆ ءبىر سۋرەتكە قازاقستاندا تۇراتىن 50 ەتنيكالىق توپتىڭ اتىن بىرىكتىردى. 7 مەترلىك كەسكىندەر قازاقستان حالقىنىڭ كوپ مادەنيەتتىلىگى مەن بىرلىگىن بەينەلەيتىن شەڭبەرلەردەن تۇرادى. كومپوزيتسيانىڭ ورتاسىندا جاڭا، ءادىل قازاقستاننىڭ قاعيداتتارىن ەسكە سالاتىن «بىرلىك» جانە «ىنتىماق» سوزدەرى جازىلعان. بۇل ءبىر شاڭىراق استىندا، ءبىر داستارحان باسىندا، ءبارىمىز بىرگە ءومىر سۇرە الامىز دەگەندى بىلدىرەدى. سوندىقتان دا، مادونناري شەڭبەر تۇرىندە بەينەلەنگەن.

جاڭا ارت- وبەكت ەلوردا تۇرعىندارى مەن قالا قوناقتارىنىڭ تارتىلىس نۇكتەسىنە اينالادى، سونداي- اق جاستاردىڭ مادەني، ساياسي جانە شىعارماشىلىق دامۋىنا ىقپال ەتەدى دەپ سەنەمىز»، - دەيدى «جاڭا ادامدار» ۇيىمىنىڭ بەلسەندىسى الينا سيدورەنكو.