قويۋ ءتۇتىن، جاعىمسىز ءيىس: قازگيدرومەت استانادا اۋا ساپاسى نەگە بۇزىلعانىن ءتۇسىندىردى
اۋا ساپاسىنىڭ يندەكسى كەي جەرلەردە 278 گە جەتكەن. وسىعان وراي «قازگيدرومەت» ر م ك ماماندارى تۇسىنىك بەردى، دەپ حابارلايدى قازاقپارات.
كاسىپورىن تاراتقان اقپارات بويىنشا 26-28- ءساۋىر ارالىعىندا استانا قالاسىندا جاۋىن-شاشىن جاۋماعان، سول ارالىقتا كۇندىزگى اۋا تەمپەراتۋراسى جوعارى بولعان.
«29- ساۋىرگە قاراعان ءتۇنى سولتۇستىك تەڭىزدەن سۋىق انتيتسيكلون ارالاسىپ، جىلى اۋا ماسسالارى سۋىققا اۋىستى، تۇنگى ۋاقىتتا ءۇپ ەتكەن جەل تۇرمادى، ال بۇل اتموسفەرانىڭ بۇلىڭعىرلانۋىنا اكەلدى» دەپ ءتۇسىندىردى قازگيدرومەت.
28- ءساۋىر ساعات 21.00 دەن 29- ءساۋىر ساعات 21.00 گە دەيىن اۋىسپالى بۇلت، تاڭەرتەڭ جانە تۇستەن كەيىن جاڭبىر جاۋىپ، نايزاعاي جارقىلدايدى.
سولتۇستىك-شىعىستان سوققان جەلدىڭ ەكپىنى كۇندىز 15-18 م/س جەتەدى.
تۇندە اۋا تەمپەراتۋراسى - 7-9، كۇندىز - 18-20 گرادۋس جىلى بولادى.
ى«مەتەورولوگيالىق جاعداي قالا اتموسفەراسىندا لاستاۋشى زاتتاردىڭ ىدىراپ، تارقاپ كەتۋىنە ىقپال ەتەدى» دەگەن مەتەورولوگتار الاڭداۋعا نەگىز جوق ەكەنىن جەتكىزدى.