قارجى پيراميداسىن ۇيىمداستىرعان كۇدىكتى قىتاي ازاماتى ەلدەن قاشىپ كەتتى
اگەنتتىكتىڭ 17 اۋماقتىق دەپارتامەنتى قارجى پيراميداسىن قۇرۋ جانە باسقارۋ فاكتىسى بويىنشا 17 قىلمىستىق ءىستى تەرگەپ جاتىر.
ولار 2022 -جىلدىڭ شىلدەسىنەن بەرى جۇمىس ىستەپ كەلەدى جانە فارماتسيەۆتيكالىق زاۋىت قۇرىلىسىنا ينۆەستيتسيا سالۋ، سونداي- اق تاعامدىق قوسپالار مەن باسقا دا ءدارى- دارمەكتى دامىتۋعا ينۆەستيتسيا سالۋ جەلەۋىمەن ينۆەستورلاردان قاراجات تارتىپ كەلەدى.
«Chia Tai Tianqing» قازاقستاندا زاڭدى تۇلعا رەتىندە تىركەلمەگەن.
بولجام بويىنشا، قارجى پيراميداسىنىڭ ۇيىمداستىرۋشىسى - قازاقستان اۋماعىنان كەتىپ قالعان قىتاي ازاماتى.
الماتى قالاسىنىڭ اۋماعىندا قازاقستاننىڭ ءۇش ازاماتى كومپانيانىڭ زاڭسىز قىزمەتىن ناسيحاتتاۋمەن اينالىسقان.
ولاردىڭ جەكە باسى انىقتالدى. ولار ينۆەستورلارعا كومپانياعا سالىنعان ينۆەستيتسيادان جوعارى قايتارىم الۋعا ۋادە بەرگەن.
جاڭا سالىمشىلاردى تارتقان جاعدايدا % 10 كولەمىندە سىياقى بەرۋدى ۋادە ەتكەن.
سالىمشىلارعا قاراجاتتىڭ قابىلدانعانىن راستايتىن قۇجات بەرىلمەيدى، كەلىسىمشارت جاسالمايدى.
كومپانيانىڭ جۇمىسى جاسىرىلعان، قىتايدىڭ بەلگىلى «Chia Tai Tianqing» كومپانياسىنىڭ لوگوتيپى قولدانىلعان، ال ولاردىڭ قىتايلىق كومپانيانىڭ قىزمەتىنە ەشقانداي قاتىسى جوق.
بۇل كومپانياعا تارتىلعان قاراجات كولەمى، الدىن الا مالىمەت بويىنشا، 7 ميلليارد تەڭگەدەن اسادى.
وتكەن اپتادا الماتى قالاسى دەپارتامەنتىنە جابىرلەنۋشىلەردەن اتالعان تۇلعالاردى قىلمىستىق جاۋاپكەرشىلىككە تارتۋ تۋرالى 200-دەن استام ءوتىنىش كەلىپ تۇسكەن.
قارجى پيراميداسىن ۇيىمداستىرۋعا كۇدىكتى ءۇش جەتەكشىنىڭ ەكەۋى ۋاقىتشا ۇستاۋ يزولياتورىنا قامالدى.