جاس قازاق اقىندارىنىڭ ولەڭدەرى «ورتالىق ازيا جىر انتولوگياسىنا» ەندى

استانا. قازاقپارات - «ورتالىق ازيا جىر انتولوگياسىنا» جاس قازاق اقىندارىنىڭ ولەڭدەرى ەندى. بۇل تۋرالى قازاقستانداعى گەتە ينستيتۋتىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.

24-ساۋىردە بەرلين قالاسىنداعى گۋمبولدت ۋنيۆەرسيتەتىندە جاس قازاق اقىندارىنىڭ ولەڭدەرى ەنگەن «ورتالىق ازيا جىر انتولوگياسىنىڭ» تۇساۋى كەسىلدى.

«2021-2022 -جىلدارى گەتە ينستيتۋتىنىڭ ۇيىمداستىرۋىمەن وتكەن «Grand Tour Zentralasien» جوباسىنىڭ جالعاسى رەتىندە ورتالىق ازيا ەلدەرى جاس اقىندارىنىڭ جىرلارى نەمىس تىلىنە اۋدارىلدى» دەلىنگەن باسپا ءسوز مالىمەتىندە.

سياسى كەپپەگەن انتولوگيا العاش رەت بەرلين جانە لەيپتسيگ قالالارىندا كوپشىلىككە تانىستىرىلىپ، نەمىس ءتىلدى وقىرماندار نازارىنا ۇسىنىلادى.

جىر جيناعىنا جاس قازاق اقىندارى ساعىنىش نامازشاموۆا، جەڭىسبەك پازىل، باتىرحان سارسەنحان، ەدىلبەك دۇيسەن جانە ميراس اساننىڭ ولەڭدەرى ەنگەن. ال قىرعىزدىڭ اليمان ابدىكەريموۆا، نارسۋلۋۋ گۋرگۋبايەۆا، گۇلزادا ستاناليەۆا، نۋريزا ومۇربايەۆا جانە ماحابات قاسەينوۆا سىندى اقىندارىنىڭ ولەڭدەرى اۋدارىلعان.