14:36, 25 - ءساۋىر 2023 | GMT +6
مينيستر شەتەلدىكتەرمەن نەكەگە تۇرۋعا سالىق ەنگىزۋگە قاتىستى پىكىر ءبىلدىردى
استانا. قازاقپارات - ءماجىلىس دەپۋتاتى قاراقات ابدەننىڭ قازاقستاندا شەتەلدىكتەرمەن نەكەگە تۇرۋعا سالىق ەنگىزۋ تۋرالى باستاماسىنا پرەمەر-ءمينيستردىڭ ورىنباسارى - قارجى ءمينيسترى ەرۇلان جاماۋبايەۆ پىكىر ءبىلدىردى.
شەنەۋنىكتىڭ ايتۋىنشا، ول مۇنداي ۇسىنىستى جەكە بىلمەيدى. الايدا بۇل ۇسىنىس تۇسسە، قارالادى.
«بىلۋىمشە، كەيبىر ەلدەردە بۇل (شەتەلدىكتەرمەن نەكەگە تۇرۋعا سالىناتىن سالىق - ەسك.) قولدانىلادى. سوندىقتان جۇمىس توبىندا زەردەلەپ، ونداي ۇسىنىس تۇسسە، قاراستىرامىز. ءبىراق بۇل ءالى تالقىلانىپ جاتقان جوق»، - دەپ جاۋاپ بەردى جاماۋبايەۆ.