استانا اكىمدىگى «ۆاشينگتون» تۇرعىن ءۇي كەشەنى سۇرىلمەيتىنىن ايتتى
«دۋبلين» تۇرعىن ءۇي كەشەنىنىڭ قۇرىلىسى رۇقسات قۇجاتتارىنسىز جۇرگىزىلگەن. ش. ايتماتوۆ پەن ج. مولداعاليەۆ كوشەلەرىنىڭ قيىلىسىنداعى جەر الدىن الا انىقتالىپ، جىلۋ تراسساسىنىڭ قۇرىلىسىنا بولىنگەن.
وسىعان بايلانىستى بۇل ۋچاسكەدەگى قۇرىلىس جۇمىستارى توقتاتىلدى. ورناتىلعان قادالار دەمونتاجدالىپ، رۇقسات ەتىلگەن جەرگە اۋىستىرىلادى. قۇرىلىس كومپانياسىمەن شارت جاساعان ازاماتتاردىڭ مۇددەلەرى ساقتالىپ، اركىم ءوز پاتەرلەرىن الاتىن بولادى»، - دەپ جازدى قالالىق اكىمدىكتەن.
ونداعى مالىمەتكە قاراعاندا، «ۆاشينگتون» تۇرعىن ءۇيى بويىنشا قۇرىلىس كومپانياسىنا جىبەرىلگەن اقاۋلاردى جويىپ، بارلىق قاجەتتى رۇقسات قۇجاتتارىن رەسىمدەۋ تاپسىرىلدى.
ايتا كەتەيىك، بۇعان دەيىن اۋىر تەحنيكا جۇرگىزۋشىسى «دۋبلين» تۇرعىن ءۇي كەشەنىن سۇرۋگە كەدەرگى جاساعانىن جازعان بولاتىنبىز.
سودان سوڭ استانا قالالىق ادىلەت دەپارتامەنتى باسشىسىنىڭ ورىنباسارى ازامات بەردىبەكوۆ ەلوردادا سۇرىلەتىن «دۋبلين» جانە «ۆاشينگتون» تۇرعىن ءۇي كەشەندەرىنە ۇلەسكەر بولعان ازاماتتاردىڭ اقشاسىن كىم قايتاراتىنىن تۇسىندىرگەن.