جانارمايدى ەلدەن اكەتۋ: پوليتسەيلەر ەكى وڭىردە كولىكتەردى تەكسەرىپ جاتىر

استانا. قازاقپارات – 10- ساۋىردەن باستاپ جامبىل جانە تۇركىستان وبلىستارىندا ىشكى ىستەر ورگاندارى كولىكتىك باقىلاۋ ينسپەكسياسىمەن بىرلەسىپ، جانار- جاعارمايدى ەلدەن اكەتۋگە جول بەرمەۋ بويىنشا رەيد جۇرگىزىپ جاتىر، دەپ حابارلايدى قازاقپارات Polisia.kz-كە سىلتەمە جاساپ.

پوليتسيا قىزمەتكەرلەرى ءتيىستى رۇقساتسىز قوسىمشا جانارماي باكتارىن ورناتىپ العان كولىكتەرگە باسا نازار اۋدارادى.

«بۇل قۇقىق بۇزۋشىلىق ءۇشىن ق ر اكىمشىلىك قۇقىقبۇزۋشىلىق تۋرالى كودەكستىڭ 590-بابى 7-بولىگى بويىنشا اكىمشىلىك جاۋاپكەرشىلىك قاراستىرىلادى (ءتيىستى رۇقساتسىز قايتا جابدىقتالعان كولىك قۇرالىن باسقارۋ). ءىس- شارانىڭ ءۇش كۇنىندە وسىنداي قۇقىق بۇزۋشىلىقتار جاساعانى ءۇشىن 57 جۇرگىزۋشى جاۋاپقا تارتىلدى، 21 اكىمشىلىك ماتەريال بويىنشا كولىك قۇرالدارىن ودان ءارى پايدالانۋعا تىيىم سالىندى»، - دەلىنگەن مالىمەتتە.