ستاندارتقا ساي كەلمەيتىن تۋ مەن ەلتاڭبا قالاي اۋىستىرىلادى جانە جويىلادى

استانا. قازاقپارات - مادەنيەت مينيسترلىگى «ۇلتتىق ستاندارتتارعا سايكەس كەلمەيتىن ق ر مەملەكەتتىك تۋى مەن ەلتاڭباسىن اۋىستىرۋ جانە جويۋ قاعيدالارىن بەكىتۋ تۋرالى» بۇيىرىق- جوباسىن كوپشىلىك تالقىلاۋعا شىعاردى، دەپ حابارلايدى قازاقپارات ءتىلشىسى.

«قوسا بەرىلىپ وتىرعان ۇلتتىق ستاندارتتارعا سايكەس كەلمەيتىن قازاقستان رەسپۋبليكاسىنىڭ مەملەكەتتىك تۋىن، مەملەكەتتىك ەلتاڭباسىن اۋىستىرۋ جانە جويۋ قاعيدالارى بەكىتىلسىن. بۇيرىقتىڭ ورىندالۋىن باقىلاۋ جەتەكشىلىك ەتەتىن قر مادەنيەت جانە سپورت ۆيتسە- مينيسترىنە جۇكتەلسىن»، - دەلىنگەن «اشىق» ن ق ا پورتالىندا جاريالانعان قۇجاتتا.

ءمالىم بولعانداي، ەندى تۋ مەن ەلتاڭبانى اۋىستىرۋ جانە جويۋ كەزىندە مىنا ەرەجەلەر ساقتالۋى ءتيىس:

- كونستيتۋتسيالىق زاڭعا سايكەس، ق ر مەملەكەتتىك تۋى، مەملەكەتتىك ەلتاڭباسى مىندەتتى تۇردە ورنالاستىرىلاتىن (ورناتىلاتىن، كوتەرىلەتىن) مەملەكەتتىك ورگاندار مەن ۇيىمداردىڭ تۇراقتى كوميسسيالارى جۇزەگە اسىرادى.

- ق ر مەملەكەتتىك تۋىن، ق ر مەملەكەتتىك ەلتاڭباسىنا قويىلاتىن نىسانداردىڭ، مولشەردىڭ جانە تەحنيكالىق تالاپتاردىڭ بۇزىلۋى ۇلتتىق ستاندارتتارعا سايكەس كەلمەۋ بولىپ سانالادى.

- ۇلتتىق ستاندارتتارعا سايكەس كەلمەيتىن ق ر مەملەكەتتىك تۋىن، مەملەكەتتىك ەلتاڭباسىن اۋىستىرۋ 1 جۇمىس كۇنى ىشىندە جۇزەگە اسىرىلادى.

- ق ر مەملەكەتتىك تۋىن، مەملەكەتتىك ەلتاڭباسىن جويۋ ولاردى قايتا قولدانۋ مۇمكىندىگىن بولدىرماۋ ماقساتىندا ورتەۋ، بالقىتۋ، 2,5 شارشى سانتيمەتردەن اسپايتىن مولشەردە بولشەكتەۋ، ۇساقتاۋ، قالىپسىز ماسساعا نەمەسە ۇنتاق كۇيگە اينالدىرۋ جولىمەن جۇرگىزىلەدى.

بۇيىرىق-جوباسى 27-ساۋىرگە دەيىن كوپشىلىك تالقىلاۋدا بولادى.