قازاقستاندىق گيمناست العاش رەت جاس وسپىرىمدەر اراسىندا الەم چەمپيوناتىنىڭ جۇلدەگەرى اتاندى

None
استانا. قازاقپارات - قازاقستاندىق زەينوللا ىدىرىسوۆ تۇركيانىڭ انتاليا قالاسىندا جاس وسپىرىمدەر اراسىندا ءوتىپ جاتقان الەم چەمپيوناتىندا قولا جۇلدەگەر اتاندى، دەپ حابارلايدى قازاقپارات ءتىلشىسى.

«سپورتتى دامىتۋ ديرەكتسياسى» ر م ق ك- نىڭ باسپا ءسوز قىزمەتىنەن ءمالىم ەتكەنىندەي، ز. ىدىرىسوۆ ات سناريادىندا 14.066 بالمەن ۇزدىك ۇشتىككە ىلىكتى.

ول تەك ارمەنيالىق سپورتشىلارعا عانا جول بەردى. گاملەت مانۋكيان (14.633) چەمپيون اتانسا، ماميكون حاچاتۋريان (14.100) كۇمىس جۇلدەگە يە بولدى.

بۇل - قازاقستان سپورتشىلارىنىڭ گيمناستيكا تاريحىندا جاس وسپىرىمدەر اراسىندا الەم چەمپيوناتىنداعى العاشقى مەدالى.

انتالياداعى الەم بىرىنشىلىگى 2- ساۋىردە قورىتىندىلانادى.

سوڭعى جاڭالىقتار