رامازان ايىندا قايىر سۇراعاندار قايتا كوبەيدى

None
استانا. قازاقپارات - «نۇرايدىڭ ەمىنە قولدان كەلگەنشە كومەك بەرىڭىزشى، د ت س پ- مەن اۋىرادى. «شامشىراق» قوعامدىق قورى وسى قىزدىڭ ەمىنە قارجى جيناپ جاتىر»، - دەدى ساياباقتا كەزدەسكەن بويجەتكەن.

سوڭعى كەزدەرى قايىر سۇراعاندار كوبەيىپ بارادى، - دەپ حابارلايدى Massaget.kz ءتىلشىسى.

قولىنا قوراپ ۇستاپ، دەرتتى بالانىڭ ەمى ءۇشىن دەپ قارجى جينايتىن جاس جەتكىنشەكتەر تاراز قالاسىندا كوپتەن كورىنبەي كەتكەن. رامازان ايىندا قايىرىمدىلىق كومەكتەن ەشكىم قاشپايدى دەگەن ويعا كەلدى مە، ەرىكتىمىز دەگەن جاس جەتكىنشەكتەر قايتادان قارا كورسەتىپتى.

ءوزىن ەرىكتىمىن دەپ تانىستىرعان قىز بالا «اللانىڭ رازىلىعى ءۇشىن قور جيناۋعا تەگىن كومەكتەسىپ ءجۇرمىن»، دەيدى.

ونىڭ ايتۋىنشا، «شامشىراق» قوعامدىق قورى شىمكەنتتە اشىلىپ، جۇمىس جۇرگىزىپ جاتقانىنا ءبىراز بولعان ەكەن. تارازدا فيليالى قۇرىلعانىنا كوپ بولا قويماپتى.

اللا رازالىعى ءۇشىن جاسالعان ءاربىر ءىس پەن بەرىلگەن زاتتى - ساداقا دەيمىز. بەرىلەتىن ساداقانىڭ ۇلكەن-كىشىسى بولمايتىنى تاعى بەلگىلى.

يمامدار «نە بەرىلسە دە، ىقىلاسپەن اللا رازىلىعى ءۇشىن بەرىلۋى قاجەت. «وڭ قولىڭ بەرگەندى سول قولىڭ كورمەسىن» حاديسىنە سايكەس بەرىلگەن ساداقا مەن جاسالعان جاقسىلىقتى جاسىرىن جاساۋ ەڭ ابزال امالدىڭ ءبىرى»، دەيدى.

ايتسە دە، جاس جەتكىنشەكتەردىڭ بەلگىسىز قورلاردىڭ باسشىلارى قولىنا ۇستاتقان قوراپتى الىپ، كوشە كەزىپ جۇرگەنى جاعىمسىز كورىنىس. پاندەميانىڭ الدىندا تاراز قالاسىندا وسىنداي قوراپ ۇستاپ، كومەك سۇراعاندار كوبەيىپ كەتكەن. بەيتانىس ءبۇلدىرشىننىڭ سۋرەتى جاپسىرىلعان قوراپتاردىڭ سىرتىندا كورسەتىلگەن دەرتتىڭ دياگنوزى كوبىندە ۇقساس كەلەدى.

2018-جىلى تارازدا «حالىقارالىق دۇنيە رۋحانيات» قوعامدىق قورىنا قولعابىس ەتىپ جۇرگەن «ەرىكتىلەر» كوبەيگەن. بۇل قور دا شىمكەنت قالاسىندا قايىرىمدىلىق جاساۋ ماقساتىندا قۇرىلعان قوعامدىق بىرلەستىك بولاتىن.

سول كەزدە «حالىقارالىق دۇنيە رۋحانيات» قوعامدىق قورىنىڭ تارازداعى فيليالىنا بارىپ، وكىلدەرىمەن كەزدەسكەنبىز. كومەك سۇراعان كەزەكتىڭ ۇزىن- سانى 40 قا جۋىق، سونىڭ 9 ىنا كومەك كورسەتتىك دەسكەن قور وكىلدەرى.

كومەك سۇراعان جانعا جەتسە، جاقسى-اق ارينە.

سوڭعى جاڭالىقتار