ەلەنا رىباكينا مايامي ماستەرس تۋرنيرىنىڭ فينالىندا جەڭىلىپ قالدى

None
استانا. قازاقپارات - قازاقستاننىڭ ءبىرىنشى، الەمنىڭ 7-راكەتكاسى ەلەنا رىباكينا مايامي WTA 1000 تۋرنيرىنىڭ فينالىندا قارسىلاسىنا ەسە جىبەردى، دەپ حابارلايدى قازاقپارات ءتىلشىسى.

قازاقستاندىق تەننيسشى فينالدا الەمنىڭ 12-راكەتكاسى، چەحيالىق پەترا كۆيتوۆامەن شەبەرلىك بايقاستى.

قارسىلاستار وسىعان دەيىن ەكى مارتە كەزدەسىپ، ءبىر-بىردەن جەڭىسكە جەتكەن ەدى.

بۇل جولى ءبىرىنشى پارتيادا ەسەپ 4:4 بولعان مەزەتتە چەحيالىق تەننيسشى برەيك جاساپ كەتكەنىمەن، ەلەنا سول بويدا تارازى باسىن تەڭەستىردى - 5:5. اسا تارتىستى وتكەن تاي-برەيكتە ول بەس سەت-پوينتتى پايدالانا المادى - 6:7 (14:16). ءبىر ساعات 6 مينۋتقا سوزىلعان ءبىرىنشى سەتتىڭ وزىندە ە. رىباكينا 10 ەيس جاساپ ۇلگەردى.

ەكىنشى سەتتە پ. كۆيتوۆا برەيكپەن العا كەتتى - 2:0. اقىرى ول ماتچتى تاعى ءبىر برەيكپەن تۇيىندەدى - 6:2.

وسىلايشا، ەلەنا رىباكينا مايامي ماستەرس جارىسىنىڭ فينالىندا جەڭىلىس تاپتى.

ءبىر ساعات 42 مينۋتقا سوزىلعان باسەكە بارىسىندا قازاقستاندىق تەننيسشى 12 ەيس جاساپ، 2 برەيك-پوينتتىڭ بىرەۋىن ءوز ەسەبىنە جازدى. قارسىلاسى 5 ەيس، 3 برەيكپەن (8 برەيك-پوينت) كوزگە ءتۇستى.

ەسكە سالا كەتەيىك، بۇدان بۇرىن ەلەنا رىباكينانىڭ مايامي فينالىنداعى قارسىلاسى انىقتالعانىن جازعان بولاتىنبىز.

سونداي-اق ەلەنا رىباكينا ءبىر جىلدا ءۇش بىردەي ءىرى جارىستىڭ فينالىنا شىققان التىنشى تەننيسشى اتاندى.

تەننيسشى جىبەك قۇلامبايەۆا تۇركياداعى جارىستىڭ جەڭىمپازى اتاندى.


سوڭعى جاڭالىقتار