ا ق ش- تىڭ اركانزاس شتاتىندا بىرنەشە تورنادو بولدى

None
نيۋ-يورك. تاسس - قازاقپارات - جۇما كۇنى اركانزاس شتاتىندا بولعان ەكى تورنادودان 600 ادام زارداپ شەكتى.

بۇل تۋرالى CBS تەلەارناسىنىڭ جەرگىلىكتى بولىمشەسى مالىمدەدى، دەپ حابارلايدى قازاقپارات تاسس اگەنتتىگىنە سىلتەمە جاساپ.

ولاردىڭ اقپاراتى بويىنشا، تابيعات اپاتى شتاتتىڭ ورتالىق بولىگىنە، ونىڭ ىشىندە اركانزاستىڭ حالىق ەڭ تىعىز ورنالاسقان بولىگى - ليتتل-روك قالاسى مەن ونىڭ اۋماعىنا زاقىم كەلتىرگەن. زارداپ شەككەندەردىڭ جاعدايى تۋرالى ازىرگە اقپارات جوق.

اركانزاس گۋبەرناتورى سارا ساندەرس شتاتتا توتەنشە جاعداي رەجيمىن ەنگىزىپ، تابيعات اپاتىنىڭ سالدارىن جويۋعا ۇلتتىق ۇلان كۇشتەرىن جۇمىلدىردى.

وسى وقيعادان كەيىن شتاتتا 70 مىڭنان اسا تۇرعىن جارىقسىز قالدى.

سوڭعى جاڭالىقتار