الماتى وبلىسىندا كولىك اپاتىنان بەس ادام مەرت بولدى

None
قونايەۆ. قازاقپارات - الماتى-كوكبەك-كوكتال تاسجولىندا جول-كولىك اپاتى بولىپ، بەتپە-بەت سوقتىعىسۋ سالدارىنان بەس ادام مەرت بولدى، دەپ حابارلايدى قازاقپارات Polisia.kz Telegram-ارناسىنا سىلتەمە جاساپ.

پوليتسيا اقپاراتى بويىنشا، 1- ساۋىردە 08:00 شاماسىندا Audi 100 اۆتوكولىگىن تىزگىندەگەن ۇيعىر اۋدانىنىڭ 43 جاستاعى تۇرعىنى الماتى - كوكپەك - كوكتال تاسجولىنىڭ 196 شاقىرىمىندا قارسى باعىتتاعى جولعا شىعىپ كەتىپ، 1964-جىلى تۋعان ب. ەسىمدى ازامات ايداپ كەلە جاتقان Audi С4 كولىگىمەن سوقتىعىسقان.

«كولىك اپاتى سالدارىنان Audi 100 جۇرگىزۋشىسى مەن كولىك ىشىندەگى 3 جولاۋشى، سونداي-اق Audi С4 كولىگىنىڭ جۇرگىزۋشىسى وقيعا ورنىندا مەرت بولدى. ءتۇرلى جاراقات العان ءتورت جولاۋشى شونجى اۋىلىنداعى اۋداندىق ورتالىق اۋرۋحاناعا جاتقىزىلدى»، - دەپ حابارلادى پوليتسيا وكىلدەرى.

بۇل وقيعا ەڭبەكشىقازاق اۋدانى پوليتسيا باسقارماسىنىڭ سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىندە ق ر ق ك 345-باپ، 4-تارماق بويىنشا تىركەلدى.

قاجەتتى ساراپتامالار تاعايىندالىپ، تەرگەۋ جۇمىسى ءجۇرىپ جاتىر.

سوڭعى جاڭالىقتار