قازاقستاندىق دزيۋدوشى الەمدىك تۋرنيردىڭ قولا جۇلدەگەرى اتاندى

استانا. قازاقپارات - قازاقستاندىق دزيۋدوشى نۇرقانات سەرىكبايەۆ انتاليادا ءوتىپ جاتقان Grand Slam تۋرنيرىنىڭ قولا جۇلدەگەرى اتاندى، دەپ حابارلايدى قازاقپارات ءتىلشىسى.

قازاقستان دزيۋدو فەدەراتسياسىنان ءمالىم ەتكەنىندەي، جارىستىڭ ءبىرىنشى كۇنى نۇرقانات سەرىكبايەۆ 60 كەلىگە دەيىنگى سالماقتا جۇبانىش فينالىندا موڭعوليالىق ارۋنبولد ەنحاتايۆاندى ۇتتى.

ول ءوز توبىنان ۇزدىك شىعىپ، جارتىلاي فينالعا دەيىن جەتتى. جارتىلاي فينالدا ۋكراينا وكىلى ديلشود حالماتوۆقا ەسە جىبەردى.

ءوز توبىندا تسوگيتوچير بيامباجوۆتى (موڭعوليا)، الەم چەمپيوناتىنىڭ بىرنەشە دۇركىن جۇلدەگەرى كيم ۆون ءدجيندى (وڭتۇستىك كورەيا) جانە نازير تاليبوۆتى (ازەربايجان) جەڭدى.

بۇل - نۇرقانات سەرىكبايەۆتىڭ Grand Slam جارىستارىنداعى ەكىنشى مەدالى. ول وسىعان دەيىن تاشكەنتتە وتكەن الەمدىك دودادا كۇمىس جۇلدەگەر اتانعان ەدى.

ەسكە سالا كەتەيىك، بۇدان بۇرىن الماتىدا دزيۋدودان جاس وسپىرىمدەر مەن جاستار اراسىندا ازيا كۋبوگى وتەتىنىن جازعان بولاتىنبىز.