تۇرىكمەنستاندا سالىنىپ جاتقان اركاداگ قالاسىنا مەملەكەتتىك مارتەبە بەرىلدى

None
استانا. قازاقپارات - تۇرىكمەنستان پرەزيدەنتى سەردار بەردىمۇحامەدوۆ احال ۋالاياتى اركاداگ قالاسى اكىمدىگى اتاۋىن اركاداگ قالاسى اكىمدىگى دەپ وزگەرتەتىن قاۋلىعا قول قويدى، دەپ حابارلايدى قازاقپارات «تۇرىكمەنستان بۇگىن» اگەنتتىگىنە سىلتەمە جاساپ.

«اركاداگ قالاسى تۋرالى» تۇرىكمەنستان زاڭىنا سايكەس اركاداگ قالاسىنا ەرەكشە قۇقىقتىق دارەجە - مەملەكەتتىك ماڭىزى بار قالا دارەجەسى بەرىلگەندىكتەن، تۇرىكمەنستان پرەزيدەنتى احال ۋالاياتى اركاداگ قالاسى اكىمدىگىنىڭ اتاۋىن اركاداگ قالاسى اكىمدىگى دەپ اۋىستىرعان قاۋلىعا قول قويدى.

قۇجات ارقىلى اركاداگ قالاسى اكىمدىگىنە ادىلەت مينيسترلىگىمەن بىرىگىپ، ءبىر اي ىشىندە وسى قاۋلىعا سايكەس تۇرىكمەنستان زاڭناماسىنا وزگەرىستەر مەن تولىقتىرۋلار ەنگىزۋ تۋرالى ۇسىنىستى دايىنداپ، مينيسترلەر كابينەتىنە ۇسىنۋ مىندەتتەلدى.

Fergana News اگەنتتىگىنىڭ حابارلاۋىنشا، اركاداگ قالاسىنىڭ قۇرىلىسى 2019-جىلدىڭ ساۋىرىندە باستالدى. ءبىرىنشى كەزەكتەگى نىسانداردىڭ سالتاناتتى اشىلۋىن جاقىن كۇندەرى وتكىزۋ جوسپارلانىپ وتىر. جوسپار بويىنشا بۇل سمارت، ياعني «اقىلدى قالا» بولادى. مۇندا ەلەكتروبۋستار مەن ەلەكتروموبيلدەردىڭ قوزعالىسى ۇيىمداستىرىلادى، كۇن باتارەيالارى مەن جەل گەنەراتورلارى ورناتىلادى.

بىلتىر جەلتوقساندا گۋربانگۋلى بەردىمۇحامەدوۆ س ءى م باسشىسى راشيد مەرەدوۆكە جاڭا قالانى «وڭىردەگى ەڭ ءىرى، ەرەكشە ءارى ادەمى قالا» رەتىندە گيننەسس رەكوردتار كىتابىنا ەنگىزۋ ماسەلەسىمەن اينالىسۋدى تاپسىرعان.

بۇرىن احال ۋالاياتىنىڭ اكىمشىلىك ورتالىعى اشحاباد بولاتىن، كەيىن ول جەكە اكىمشىلىك اۋماققا اينالدى. قازىر ءوڭىر استاناسى - اشحابادتان سەگىز شاقىرىم جەردە ورنالاسقان انناۋ قالاسى.

سوڭعى جاڭالىقتار