كۇننىڭ بەتىندە پايدا بولعان شۇڭقىر ماگنيتتى داۋىل تۋدىرادى
Astranews رەسۋرسىنىڭ اقپاراتى بويىنشا، بۇل - كۇننەن انىقتالعان الىپ كولەمدى ەكىنشى شۇڭقىر. كولەمى جەردەن 30 ەسە ۇلكەن العاشقى ويىق 23- ناۋرىزدا انىقتالدى.
كۇننىڭ رەنتگەنىن جاساعان ناسا كۇن ديناميكاسى وبسەرۆاتورياسى زەرتتەۋلەرىنە سايكەس، شۇڭقىردان شىققان پلازما اعىنى ساعاتىنا 2,9 ميلليون شاقىرىم جىلدامدىقپەن قوزعالىپ كەلەدى جانە جەرگە 31- ناۋرىزدا نەمەسە 1- ساۋىردە جەتەدى. مۇنداي قۇبىلىس كەزىندە كۇشتى كۇن جەلى مەن ماگنيتتى داۋىلدار بولادى. ءبىراق، بولجام بويىنشا، پلازما اعىنىنىڭ كوپ بولىگى ءبىزدىڭ عالامشارىمىزدى اينالىپ وتەتىندىكتەن، ماگنيتتى داۋىل قاتتى سەزىلمەيدى.
ايتا كەتسەك، ماگنيتتى داۋىل سپۋتنيك بايلانىسىندا ىركىلىس تۋىنداتىپ، مەتەوسەزىمتال ادامداردىڭ اۋرۋى اسقىنۋى مۇمكىن.
جالپى، 2023-جىلدىڭ ناۋرىزىندا بىرنەشە ماگنيتتى داۋىل – 4، 12، 19 تىركەلدى. ايدى قورىتىندىلايتىن بۇل داۋىلدىڭ قۋاتى ورتاشا بولادى.
دارىگەرلەر ماگنيتتى داۋىل كۇندەرى تازا اۋادا كوبىرەك ۋاقىت وتكىزۋگە، دۇرىس تاماقتانىپ، اسىرەسە سوزىلمالى جانە جۇرەك قان-تامىر اۋرۋلارى بار ادامدارعا دەنساۋلىعىن مۇقيات باقىلاۋعا شاقىرادى.