بالا تەرەزەدەن قۇلاپ كەتپەس ءۇشىن نە ىستەۋ كەرەك؟

None
استانا. قازاقپارات - بالا - كىشكەنتاي زەرتتەۋشى، سوندىقتان ول اينالاسىن تانۋ ماقساتىندا ءتۇرلى، سونىڭ ىشىندە، قاۋىپتى ارەكەتتەرگە دە بارادى.

بالانىڭ تەرەزەدەن قۇلاۋىنىڭ باستى سەبەبى - بالا قولىمەن وڭاي اشىلاتىن قورعالماعان تەرەزە. سونداي-اق، ارينە، ءجيى كەزدەسەتىن سەبەپ - بالانىڭ ۇيدە نەمەسە بولمەدە قاراۋسىز قالۋى. Massaget.kz بالا تەرەزەدەن قۇلاپ كەتپەس ءۇشىن اتا-انالار ساقتاۋى كەرەك نەگىزگى ەرەجەلەردى ۇسىنادى.

بارلىق اتا-انا ساقتاۋى قاجەت ەرەجەلەر:

- بارلىق تەرەزەگە ونى بالاعا بىرنەشە سانتيمەرتدەن ارتىق اشۋعا مۇمكىندىك بەرمەيتىن ىلمەك نەمەسە قورشاۋ قويۋ كەرەك. ولاردى جيھاز دۇكەندەرىنەن نەمەسە قاراپايىم گيپەرماركەتتەردەن ساتىپ الۋعا بولادى. سونداي-اق، اشىلاتىن تەرەزەنىڭ تۇتقاسىن المالى-سالمالى ەتىپ جاساتۋعا بولادى: سول كەزدە بالا تەرەزەنى اشا الماس ءۇشىن تۇتقاسىن الىپ تاستاۋ جەتكىلىكتى؛

- مۇمكىن بولسا، تەرەزەنىڭ تەك جوعارعى بولىگىن اشقان ءجون؛

- بالامەن تەرەزەنىڭ الدىندا ويناماڭىز. دالاداعى كولىكتەردى، ادامداردى كورسەتۋ ءۇشىن بالانى تەرەزەنىڭ الدىنا وتىرعىزباڭىز. ول قاسىندا ءسىز جوق كەزدە دە سولاي وتىرىپ كورۋگە بولادى دەپ ويلايدى؛

- بالا بولمەدە جالعىز بولسا، تەرەزەلەردى جابىق ۇستاڭىز؛

- ۇستىنە وڭاي شىعاتىن جيھازدى تەرەزەنىڭ قاسىنا قويماڭىز. جالپى، بالا جالعىز ويناپ وتقان بولمەگە ول وڭاي كوتەرە/ىسىرا الاتىن ورىندىقتى قالدىرماڭىز؛

- موسكيت تورعا سەنبەڭىز. بۇل اتا-انانىڭ كوپشىلىگى جىبەرەتىن قاتەلىك. موسكيت تور بالا سالماعىن كوتەرمەيدى؛

- جاليۋزدىڭ باۋلارى مەن شىنجىرلارى تومەن سالبىراپ تۇرماۋى كەرەك: ولار بالاعا تەرەزەنىڭ الدىنا شىعۋعا كومەكتەسەدى؛

- اشىق تەرەزەنىڭ جانىندا بولۋ قاۋپى تۋرالى بالالارمەن اڭگىمەلەسىڭىز. ءاردايىم تەرەزەگە الىستان قاراپ، قاتتى جاقىنداۋعا بولمايتىنىن ءتۇسىندىرىپ ءجۇرىڭىز؛

- بالا اتا-اناسىنىڭ جانە وتباسىداعى باسقا دا ەرەسەك ادامداردىڭ ارەكەتىن قايتالايتىنىن جانە ولاردان ۇلگى الاتىنىن ۇمىتپاڭىز. سوندىقتان ءوزىڭىز دە تەرەزەنىڭ الدىنا وتىرۋدان، تەرەزەدەن باسىڭىزدى شىعارىپ، تومەن سالبىراپ قاراۋدان جانە تەرەزە ارقىلى دالاداعى اداممەن سويلەسۋدەن اۋلاق بولىڭىز؛

- از ۋاقىتقا بولسا دا بالالاردى ۇيدە جالعىز قالدىرماۋ قاجەت.

قۇرمەتتى اتا-انا، زاڭ بويىنشا اتا-انالار بالالارىنىڭ ومىرىنە، دەنساۋلىعىنا جانە قاۋىپسىزدىگىنە قامقورلىق جاساۋعا مىندەتتى. بالالاردىڭ تەرەزەدەن قۇلاعانى ءۇشىن قىلمىستىق جاۋاپكەرشىلىك بار.

ەسكەرتە كەتەيىك، وسىعان دەيىن بالانى نەشە جاستان باستاپ ۇيدە جالعىز قالدىرۋعا بولاتىنى جايلى پسيحولوگپەن سۇحباتتاسقان بولاتىنبىز.

سوڭعى جاڭالىقتار