جامبىلدىق مۋزەيگە تۇرگەش زامانىنداعى تيىندار تارتۋ ەتىلدى

تاراز. قازاقپارات - جامبىل وبلىسىنىڭ بايزاق اۋداندىق تاريحي-ولكەتانۋ مۋزەيى تۇرگەش قاعاناتى تۇسىنداعى كونە تيىندارمەن تولىقتى، دەپ جازادى قازاقپارات ءتىلشىسى.

سان عاسىرلىق تاريحى بار قۇندى جادىگەردى مۋزەي جاناشىرى گۇلناز ءالىمقۇلوۆا تاپسىرعان.

«تيىنداردىڭ ءبىر بەتىندە تۇرگەش تايپاسىنىڭ تاڭباسى تۇسىرىلگەن، كەلەسى بەتىندە سودى تىلىندە جازبا تۇسكەن. ال قاق ورتاسىندا رومب تارىزدەس تەسىگى بار. تاريحقا ۇڭىلەر بولساق، مۇنداي اقشالار Ⅷ عاسىردا تۇرگەش قاعاناتىنىڭ بيلىك قۇرعان تۇسىندا تاراز جانە سۋياب اقشا سارايلارىندا سوعىلىپ وتىرعان»، دەيدى بايزاق اۋداندىق تاريحي-ولكەتانۋ مۋزەيىنىڭ قور ساقتاۋشىسى ايدانا شوتباسوۆا.

«مۋزەيگە سىي» اكسياسى اياسىندا تابىستالعان جادىگەر مۋزەيدىڭ نۋميزماتيكالىق كوللەكتسيالار قاتارىنا قوسىلدى.

ايتا كەتەيىك، بۇعان دەيىن جامبىلدىق قولونەرشىلەردىڭ بۇيىمدارى ا ق ش- تاعى كورمەلەرگە قويىلعانى تۋرالى جازعان بولاتىنبىز