الماتىدا كۇن سۋىتىپ، ۇسىك جۇرەدى

None
الماتى. قازاقپارات - ەرتەڭ، 1- ساۋىردە الماتىنىڭ تاۋلى ايماقتارىندا تۇندە ۇسىك جۇرەدى، دەپ حابارلايدى قازاقپارات ءتىلشىسى.

سينوپتيكتەردىڭ بولجاۋىنشا، الماتى تاۋلارىندا قاتتى جاۋىن-شاشىن بولادى. جەلدىڭ ەكپىنى سەكۋندىنا 17-22، كەي جەرلەردە 30 مەتر جانە ودان دا كوپ بولۋى مۇمكىن. 1- ساۋىردە تۇندە 1-6 گرادۋس سۋىق بولادى.

وسىعان بايلانىستى قالالىق توتەنشە جاعدايلار دەپارتامەنتى وڭتۇستىك استانا تۇرعىندارى مەن قوناقتارىنا تاۋلى ايماقتاردا سەرۋەندەۋدەن باس تارتۋ كەرەكتىگىن ەسكەرتەدى.

«سونىمەن قاتار، تاۋدا جۇرگەن تۋريستەردەن بارلىق قاۋىپسىزدىك شارالارىن ساقتاۋدى سۇرايمىز. كومەك قاجەت بولسا، مىنا تەلەفوندارعا حابارلاسىڭىز: 112، 109 نەمەسە 72737215 60»، - دەلىنگەن الماتى قالاسى توتەنشە جاعدايلار دەپارتامەنتىنىڭ باسپا ءسوز قىزمەتى تاراتقان حابارلامادا.

بۇعان دەيىن سينوپتيكتەر ءساۋىر ايىندا كۇننىڭ جىلىناتىنىن ايتقان ەدى.


سوڭعى جاڭالىقتار