التىن جانە كۇمىس القالى انالارعا جاردەماقى اۆتوماتتى تۇردە تاعايىندالادى

None
استانا. قازاقپارات – ق ر ەڭبەك جانە حالىقتى الەۋمەتتىك قورعاۋ مينيسترلىگى «التىن القا» نەمەسە «كۇمىس القا» العان انالارعا جاردەماقى تاعايىنداۋ بويىنشا پرواكتيۆتى قىزمەت كورسەتۋ كەزىندەگى ادامي فاكتوردى تولىعىمەن الىپ تاستادى، دەپ حابارلايدى قازاقپارات.

بۇدان بۇرىن وسى جاردەماقىنى پرواكتيۆتى فورماتتا تاعايىنداۋ كەزىندە ازاماتتارعا ارنالعان ۇكىمەت» مەملەكەتتىك كورپوراتسياسى جانە ەڭبەكمينىنىڭ اۋماقتىق دەپارتامەنت قىزمەتكەرلەرىنىڭ قاتىسۋى قاجەت بولىپ، ناتيجەسى 7 جۇمىس كۇنىنە دەيىن سوزىلاتىن ەدى.

ەندىگى جەردە اتالعان قىزمەتتى پرواكتيۆتى فورماتتا العان كەزدە جاردەماقى تاعايىنداۋ اقپاراتتىق جۇيە ارقىلى جۇرگىزىلەدى، سونىڭ ارقاسىندا قىزمەت كورسەتۋ مەرزىمى 1 جۇمىس كۇنىنە دەيىن قىسقاردى.

ەگەر دە كوپبالالى انا «التىن القا» نەمەسە «كۇمىس القا» القالارىمەن ماراپاتتالسا، ءتيىستى مالىمەتتەر ەڭبەكمينىنىڭ اقپاراتتىق جۇيەسىنە اۆتوماتتى تۇردە تۇسەدى.

ءارى قاراي جۇيە پرواكتيۆتى فورماتتا جاردەماقى تاعايىنداۋعا كەلىسىم الۋ ءۇشىن 1414 نومىرىنەن SMS حابارلاما جىبەرەدى.

SMS حابارلاماعا وڭ جاۋاپ الىنعان جاعدايدا جۇيە جاردەماقى تاعايىنداۋ تۋرالى شەشىمدى مۇلدەم ادامنىڭ قاتىسۋىنسىز اۆتوماتتى تۇردە قابىلدايدى.

ەڭبەكمينى وسىنداي ءتاسىلدى باسقا دا مەملەكەتتىك قىزمەتتەردى كورسەتۋ كەزىندە دە ەنگىزۋدى كوزدەپ وتىر.


سوڭعى جاڭالىقتار