استانادا اۋىز سۋ ءتۇسىنىڭ وزگەرەتىنى تۋرالى ەسكەرتۋ جاسالدى

استانا. قازاقپارات – 8- ساۋىردە «استانا-تەپلوترانزيت» كومپانياسى بوياعىش ارقىلى قۇبىرلار، سۋ جىلىتقىشتار مەن جىلۋ جەلىلەرىنە تەكسەرۋ جۇرگىزەدى، دەپ حابارلايدى قازاقپارات ءتىلشىسى.

جىلۋ جەلىسىنە سۋدى جاسىل تۇسكە بويايتىن ورگانيكالىق ناتريي فلۋورەستسەين قولدانىلادى. بۇل قۇبىرلارداعى بىلىنبەيتىن اقاۋلار، سۋ جىلىتقىشتارداعى بەكىتۋ ارماتۋراسى مەن تۇتىنۋشىلار جىلۋ جەلىلەرىنىڭ تىعىز بولماۋىنان جەلىن سۋدىڭ اعۋىن انىقتاۋ ءۇشىن جاسالادى.

سونداي-اق، استانا اكىمدىگىنىڭ باسپا ءسوز قىزمەتىنەن حابارلاعانداي، بۇل ءىس-شارا جەلىدەگى سۋدىڭ وندىرىستىك جانە تۇرمىستىق قاجەتتىلىكتەرگە ۇرلانۋىن انىقتاۋعا مۇمكىندىك بەرەدى.

وسى ورايدا، ەلوردا تۇرعىندارىنان قۇبىر سۋىنىڭ ءتۇسى وزگەرگەن جاعدايدا «Ikomek 109» قىزمەتىنە قوڭىراۋ شالۋ سۇرالادى.

ايتا كەتەيىك، جۋىردا عانا ەلوردادا سۋ تاۋلىكتىڭ ءار ۋاقىتىندا ءارتۇرلى قىسىممەن بەرىلەتىنى حابارلانعان ەدى.