كامەلەتكە تولماعاندار قۇقىعىن قورعاۋ جونىندەگى ۆەدومستۆوارالىق كوميسسيا قۇرىلادى
بۇل تۋرالى «اشىق» ن ق ا پورتالىندا جاريالانعان ۆەدومستۆو باسشىسىنىڭ ءتيىستى بۇيرىعىندا جازىلعان، دەپ حابارلايدى قازاقپارات ءتىلشىسى.
«ق ر وقۋ-اعارتۋ مينيسترلىگىنىڭ جانىنان كامەلەتكە تولماعانداردىڭ ءىسى جانە ولاردىڭ قۇقىقتارىن قورعاۋ جونىندەگى ۆەدومستۆوارالىق كوميسسيا قۇرىلسىن. ۆەدومستۆوارالىق كوميسسيا كامەلەتكە تولماعاندار اراسىنداعى قۇقىق بۇزۋشىلىقتاردىڭ، قاداعالاۋسىز جانە پاناسىز قالۋدىڭ الدىن الۋ، ولاردىڭ قۇقىقتارى مەن زاڭدى مۇددەلەرىن قورعاۋ سالاسىنداعى مەملەكەتتىك ساياساتتى ىسكە اسىرۋدى قامتاماسىز ەتۋ جونىندە ۇسىنىستار ازىرلەۋ ماقساتىندا قۇرىلادى»، - دەلىنگەن قۇجاتتا.
ۆەدومستۆوارالىق كوميسسيانىڭ قۇرامىنا مىنا لاۋازىم يەلەرى ەنەدى:
- وقۋ-اعارتۋ ءمينيسترى، ءتوراعا
- وقۋ-اعارتۋ ۆيتسە-ءمينيسترى، ءتوراعانىڭ ورىنباسارى
- وقۋ-اعارتۋ مينيسترلىگىنىڭ بالالاردىڭ قۇقىقتارىن قورعاۋ كوميتەتى باسقارماسىنىڭ باسشىسى، حاتشى
- عىلىم جانە جوعارى ءبىلىم ۆيتسە-ءمينيسترى
- دەنساۋلىق ساقتاۋ ۆيتسە-ءمينيسترى
- ەڭبەك جانە حالىقتى الەۋمەتتىك قورعاۋ ۆيتسە-ءمينيسترى
- يندۋستريا جانە ينفراقۇرىلىمدىق دامۋ ۆيتسە-ءمينيسترى
- مادەنيەت جانە سپورت ۆيتسە-ءمينيسترى قازاقستان رەسپۋبليكاسى
- قورعانىس ءمينيسترىنىڭ ورىنباسارى
- ۇلتتىق ەكونوميكا ۆيتسە-ءمينيسترى
- اقپارات جانە قوعامدىق دامۋ ۆيتسە-ءمينيسترى
- ادىلەت ۆيتسە-ءمينيسترى
- توتەنشە جاعدايلار ۆيتسە-ءمينيسترى
- ەكولوگيا جانە تابيعي رەسۋرستار ۆيتسە-ءمينيسترى
- باس پروكۋراتۋرانىڭ وكىلى
- ادام قۇقىقتارىن قورعاۋ جونىندەگى ۇلتتىق ورتالىعىنىڭ جەتەكشىسى (كەلىسىم بويىنشا)
- پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا حاتشىلىعىنىڭ كونسۋلتانتى (كەلىسىم بويىنشا)
- بالا قۇقىقتارى جونىندەگى ۋاكىل (كەلىسىم بويىنشا)
- ىشكى ىستەر مينيسترلىگىنىڭ اكىمشىلىك پوليتسيا كوميتەتىنىڭ ءتوراعاسى
- وقۋ-اعارتۋ مينيسترلىگىنىڭ بالالاردىڭ قۇقىقتارىن قورعاۋ كوميتەتىنىڭ ءتوراعاسى
- سىرتقى ىستەر مينيسترلىگىنىڭ كونسۋلدىق قىزمەت دەپارتامەنتىنىڭ ديرەكتورى
- قوعامدىق بىرلەستىكتىڭ وكىلى (كەلىسىم بويىنشا).
قۇجات 14- ساۋىرگە دەيىن كوپشىلىك تالقىلاۋدا بولادى.