استانادا كاسىپكەرلەر مەن مەملەكەتتىك اۋديتتىڭ لاۋازىمدى تۇلعاسى سوتتالدى
ولار مەملەكەتتىك ساتىپ الۋ كونكۋرستارىنىڭ قورىتىندىلارىن قايتا قاراعانى ءۇشىن استانا قالاسى بويىنشا ىشكى مەملەكەتتىك اۋديت دەپارتامەنتىنىڭ لاۋازىمدى تۇلعالارىنا پارا بەردى دەپ كۇدىكتەندى.
وسى جىلعى 27- ناۋرىزداعى سوت ۇكىمىمەن اتالعان ادامدار پارا بەرۋگە وقتالعانى ءۇشىن كىنالى دەپ تانىلدى. ولارعا 6 جىلعا باس بوستاندىعىنان ايىرۋ جازاسى تاعايىندالدى.
سونىمەن قاتار، پارا بەرۋگە يتەرمەلەگەنى ءۇشىن ب. كەرەيتبايەۆ پەن گ. شوكەنوۆ كىنالى دەپ تانىلىپ، 7 جىل مەرزىمگە باس بوستاندىعىنان ايىرىلدى.
سونداي-اق، ادامدار توبىندا بىرنەشە رەت الاياقتىق جاساعانى ءۇشىن استانا قالاسى بويىنشا ءى م ا د مامانى د. تولەۋبايەۆ كىنالى دەپ تانىلىپ، 3 جىلعا باس بوستاندىعىنان ايىرۋ جازاسى تاعايىندالدى.
اتالعان ادامداردىڭ بارلىعى دا مەملەكەتتىك مەكەمەلەردە قىزمەت اتقارۋ قۇقىعىنان ايىرىلعان.
سوت تەرگەۋ ارەكەتتەرىن جۇرگىزۋگە بەلسەندى كەدەرگى كەلتىرگەن د. ك. تولەۋبايەۆتىڭ تۋىسى - ا. ا. اكىمبايەۆتى (تەرىس سەبەپتەرمەن جۇمىستان شىعارىلعان بۇرىنعى جەدەل پوليتسيا قىزمەتكەرى) كىنالى دەپ تانىدى. ول بيلىك وكىلدەرىنە قاتىستى زورلىق-زومبىلىق جاساپ، جەمقورلىق قىلمىستارىن جاساۋدا ايىپتالۋشىلاردى ايىپتايتىن زاتتاي دالەلدەمەلەردى جاسىرعان. سوت ونىڭ بوستاندىعىن 2 جىل 6 ايعا شەكتەدى.
سوت ۇكىمى زاڭدى كۇشىنە ەنگەن جوق.