قازاقستان شاڭحاي ۇيىمىنىڭ تۋريزمدى دامىتۋ تۋرالى كەلىسىمىنە قوسىلادى

استانا. قازاقپارات - قازاقستان شاڭحاي ىنتىماقتاستىق ۇيىمىنىڭ تۋريزم سالاسىنداعى ىنتىماقتاستىقتى دامىتۋ تۋرالى كەلىسىمىنە قوسىلۋى مۇمكىن. كەلىسىم جوباسى «اشىق» ن ق ا پورتالىندا جاريالاندى، دەپ حابارلايدى قازاقپارات ءتىلشىسى.

«قازاقستان 2022 -جىلعى 16-قىركۇيەكتە سامارقاندتا جاسالعان شاڭحاي ىنتىماقتاستىق ۇيىمىنا مۇشە مەملەكەتتەردىڭ ۇكىمەتتەرى اراسىنداعى تۋريزم سالاسىنداعى ىنتىماقتاستىقتى دامىتۋ تۋرالى كەلىسىمگە قوسىلسىن. وسى قاۋلى قول قويىلعان كۇنىنەن باستاپ قولدانىسقا ەنگىزىلەدى»، - دەلىنگەن قۇجاتتا.

كەلىسىم جوباسى 13- ساۋىرگە دەيىن اشىق تالقىلاۋدا بولادى. كەيىن قۇجات قول قويۋ ءۇشىن پرەمەر- مينيسترگە جولدانادى.

ەسكە سالايىق، بۇل ۋاقىتقا دەيىن الماتى قالاسىن 2023-2024 -جىلدارى ش ى ۇ- نىڭ مادەني جانە تۋريزم استاناسى رەتىندە بەكىتۋ ۇسىنىلعانىن جازىپ ەدىك.

سونىمەن قوسا، بيىل شىلدەدەن 2024 -جىلدىڭ شىلدەسىنە دەيىن قازاقستان شاڭحاي ىنتىماقتاستىق ۇيىمىنا ءتوراعالىق ەتەدى.

اۆتور

ءاليحان اسقار