قانداي ادامدارعا كومەكتەسۋدىڭ قاجەتى جوق؟

استانا. قازاقپارات - جاناشىرلىق ءبىلدىرۋ - ءبىزدىڭ تابيعاتىمىزدا بار نارسە. ادامنىڭ قانداي ورتادا وسكەنىنە جانە تاربيەسىنە قاراي بۇل قابىلەت دامي تۇسەدى.

سوندىقتان كەي ادامدار اينالاسىنداعىلارعا كومەگىن ۇسىنىپ جۇرەدى، باسقالارى ءوزىنىڭ جەكە قاجەتتىلىكتەرىنە نازار اۋدارادى. قالاي دەسەك تە، كەي ادام تۇرلەرىنە كومەكتەسۋدىڭ قاجەتى جوق. قانداي ادامدارعا كومەكتەسۋدىڭ قاجەتى جوق جانە نە ءۇشىن ەكەنىن ماتەريالدان وقىڭىز.

كومەكتى تالاپ ەتەتىن ادامدارعا

باسىنا قيىندىق تۇسكەن ادام باسقالاردان كومەك سۇراۋعا ءماجبۇر بولعان كەزدە ادەتتە ءوزىن سەنىمسىز ۇستايدى. الايدا كومەكتى سۇراعانعا قاراعاندا تالاپ ەتەتىن دە ادامدار بار. ولار ءجيى ءوزىنىڭ پروبلەماسىنا اينالاسىنداعىلاردى كىنالايدى جانە ءوز موينىنان جاۋاپكەرشىلىكتى ءتۇسىرىپ تاستاۋعا تىرىسادى. مۇنداي ادامعا كومەكتەسسەڭىز، بىرىنشىدەن، ول ءسىزدىڭ ەڭبەگىڭىزدى باعالاماۋى مۇمكىن. ەكىنشىدەن، ءسىز قانشا تىرىسساڭىز دا، ول ءسىز تۋرالى «ودان دا كوبىرەك كومەك بەرە الاتىن ەدى» دەپ ويلايدى.

پروبلەماسىن وزدىگىنەن شەشۋگە تىرىسپايتىن ادامدارعا

ءوز پروبلەماسىن ءوزى شەشۋگە تىرىسپايتىن ادامعا كومەكتەسۋگە تىرىسۋدىڭ قاجەتى جوق. مۇنداي ادامنان العىس المايسىز جانە باسقا ادام ۇزاق ۋاقىت بويى جيناعان پروبلەمامەن جالعىز ءوزىڭىز كۇرەسۋگە ءماجبۇر بولاسىز. وعان قوسا، ەشقانداي ارەكەت ەتپەيتىن ادامعا كومەگىڭىزدى ۇسىنا بەرسەڭىز، ۋاقىت وتە ول «ءسىز وعان كومەكتەسۋگە مىندەتتى» دەپ قارايدى.

نيەتى جامان ادامدارعا

ول ءسىزدىڭ جاقىن ادامىڭىز بولسا دا، ەگەر ونىڭ ءوتىنىشى ءسىزدىڭ پرينسيپتەرىڭىزگە قايشى كەلىپ تۇرسا، وعان كومەكتەسۋدىڭ قاجەتى جوق.

ءسىزدىڭ ەڭبەگىڭىزدى باعالامايتىن ادامدارعا

كەي ادامدارعا شىنىمەن دە بىرەۋگە كومەكتەسكەن ۇنايدى. بۇل وتە جاقسى قاسيەت. ءبىراق ەگەر قانداي دا ءبىر ادامنىڭ ءسىزدىڭ جۇمساعان كۇشىڭىزدى، ۋاقىتىڭىزدى جانە ەڭبەگىڭىزدى باعالامايتىنىن بايقاساڭىز، كەلەسى دە وعان وسىنشاما تىرىسۋدىڭ قاجەتى جوق.

massaget.kz