يزرايل اۋە قورعانىس كۇشتەرى داماسككە شابۋىل جاسادى

اممان. قازاقپارات - يزرايل اسكەري اۆيۆاتسياسىنىڭ سيريا استاناسىنىڭ ماڭىنداعى بىرنەشە نىسانعا جاساعان اۋە سوققىسىنان ەكى سارباز جاراقات الىپ، بىرنەشە نىسان زاقىمدالدى، دەپ حابارلايدى قازاقپارات ءتىلشىسى SANA سيريالىق اگەنتتىگىنە سىلتەمە جاساپ.

اسكەري دەرەككوزدەردىڭ مالىمەتىنشە، يزرايل بەيسەنبى ءتۇن ورتاسىنان كەيىن گولان بيىكتىگىنەن داماسك ماڭايىنا قاراي بىرنەشە زىمىران ۇشىرىپ، ەكى ساربازدى جاراقاتتاعان جانە «ءبىرشاما ماتەريالدىق زالال كەلتىرگەن».

سونداي-اق، سيريا اۋە قورعانىس كۇشى زىمىراننىڭ ءبىر بولىگىن قۇلاتقان.

«01:20 دە (استانا ۋاقىتىمەن 04:20) يزرايلدىك قارسىلاستارى گولان بيىكتىگى تاراپىنان اۋە اگرەسسياسىن جاساپ، داماسك ماڭىنداعى بىرنەشە پوزيتسيانى زاقىمدادى»، - دەدى كەيىننەن سيريا قورعانىس مينيسترلىگى.

سيريا ادام قۇقىعى جونىندەگى وبسەرۆاتورياسىنىڭ مالىمەتىنشە، بۇل - 2023-جىل باستالعالى يزرايل ا ق ك- نىڭ سيريا اۋماعىنا جاساعان جەتىنشى شابۋىلى.

اۋە شابۋىلىنان كەيىن كافارسۋسا اۋدانى مەن ال-ميدان اۋدانىندا قاتتى جارىلىستىڭ داۋسى ەستىلگەن.