قازاقستاننان قىرعىزستانعا زاڭسىز جانارماي تاسىعاندار ۇستالدى

بىشكەك. قازاقپارات - قىرعىزستان رەسپۋبليكاسى شۋ وبلىسىندا قازاقستان وتىنىن زاڭسىز تاسىمالداعان 36 جاستاعى جۇرگىزۋشى ۇستالدى، دەپ حابارلايدى قازاقپارات مەنشىكتى ءتىلشىسى قىرعىزستان ءى ءى م - نە سىلتەمە جاساپ.

اقپاراتقا سايكەس، جانارمايدى كولىك قۇرالدارىنا قوسىمشا باك ورناتۋ ارقىلى تاسىمالداعان. كەيىن ونى جول بويىندا ءارى قاراي ساتىپ وتىرعان.

ارنايى رەيد ناتيجەسىندە 29 جەڭىل كولىك پەن 7 اۆتوبۋستىڭ 36 جۇرگىزۋشىسى ۇستالدى. بارلىق اۆتوكولىك قۇرالدارى ارنايى ايىپپۇل تۇراعىنا قويىلدى، جۇرگىزۋشىدەرگە 5500 سوم كولەمىندە ايىپپۇل سالىندى.

اتالىپ وتىلگەندەي، وسى جىلدىڭ باسىنان بەرى ءتارتىپ ساقشىلارى زاڭسىز اكەتىپ، ساتىلعان 24 توننا وتىندى انىقتادى.

بۇعان دەيىن قىرعىزستانمەن شەكارا اۋماعىندا قازاقستان بەنزينىن كونتراباندالىق جولمەن اكەتىپ جاتقانى حابارلانعان بولاتىن.