ورازانى ارىقتاۋ ءۇشىن ۇستاۋعا بولا ما؟

None
استانا. قازاقپارات - كەي ادامدار «ورازا ۇستاۋ دەنساۋلىققا پايدالى ەكەن، ءبىر اي ورازا ۇستاسام، ءىشىم تازارىپ، جاقسى بولىپ قالامىن» دەگەن ويمەن ورازا ۇستايدى. تاعى بىرەۋلەر «ءبارى ورازا ۇستاپ جاتىر، مەن دە بىرگە ۇستايىنشى» دەپ قوسىلادى. مۇنداي نيەت دۇرىس پا؟

وعان Muslim.kz سۇراق-جاۋاپ ايدارىندا جاۋاپ بەردى.

«ورازانى تەك ارىقتاۋ ءۇشىن نەمەسە دەنساۋلىعىم جاقسارسىن دەپ، ياكي كوپپەن بىرگە ۇستاۋ دۇرىس ەمەس. اۋەلى نيەتتى تۇزەپ، ءبىر اللانىڭ ريزالىعى جانە پارىز بولعاندىعى ءۇشىن ۇستايدى. سوندا اللانىڭ رازىلىعىن دا الادى، دەنساۋلىعىنا دا وڭ اسەرى تيەدى. كەز-كەلگەن قۇلشىلىقتىڭ قابىل بولۋى نيەتكە بايلانىستى. سەبەبى، پايعامبارىمىز (وعان اللانىڭ سالاۋاتى مەن سالەمى بولسىن) حاديستە: «امالداردىڭ بارلىعى نيەتكە بايلانىستى»، - دەگەن. ولاي بولسا، ءبىزدىڭ رامازان ايىندا جاساعان قۇلشىلىقتارىمىز دا نيەتىمىزگە بايلانىستى مىڭ قۇلشىلىققا پارا-پار بولماق. كىم قانداي عيبادات جاساسا دا، ونى شىن ىقىلاسپەن ورىنداۋى ءتيىس. ايتپەسە، جاساعان قۇلشىلىقتان ەش پايدا بولمايدى»، - دەپ جاۋاپ بەرگەن Muslim.kz ساراپشىلارى.

ەسكە سالايىق، بيىل ورازا 23- ناۋرىزدا باستالدى.

ەسكە سالايىق، بۇعان دەيىن بيىلعى ءپىتىر ساداقا مولشەرى بەلگىلەنگەنى حابارلانعان بولاتىن. ءپىتىر ساداقانى رامازان ايىنىڭ ءبىرىنشى كۇنىنەن ورازا ايت نامازىنا دەيىن بەرۋگە بولادى.

سوڭعى جاڭالىقتار