قازاقستاندا بايلار كەدەيلەرگە قاراعاندا ءۇش ەسە كوپ تاماق جەيدى

استانا. قازاقپارات - ايتا كەتەتىن جايت، اۋىلداعى اۋقاتتىلار قالالىقتارعا قاراعاندا ازىق-تۇلىكتى كوپ تۇتىنادى.

از قامتىلعان وتباسىلار بويىنشا دا جاعداي سولاي. ەلدى مەكەندەردە كۇن كورۋ جەڭىلىرەك، دەپ حابارلايدى قازاقپارات Ranking.kz رەسۋرسىنا سىلتەمە جاساپ.

اۋقاتتى قازاقستاندىقتار از قامتىلعان توپقا جاتاتىن ازاماتتارعا قاراعاندا ازىق-تۇلىكتى ءۇش ەسە كوپ تۇتىنادى.

ۇلتتىق ستاتيستيكا بيۋروسىنىڭ بىلتىرعى ىرىكتەپ زەرتتەۋ ناتيجەلەرى بويىنشا ءبىر ادامعا شاققانداعى تۇتىنۋدىڭ جالپى كولەمى 10 پايىز.

از قامتىلعان ازاماتتار توبىندا توقسانىنا 129 كەلى، اۋقاتتى توپقا جاتاتىن قازاقستاندىقتار 377 كەلىدەن استام ءونىم تۇتىنعان.

ال ەلىمىز بويىنشا ورتاشا كورسەتكىش - توقسانىنا ءبىر ادامعا شاققاندا 221,5 كەلى.

ايىرماشىلىق تەك ازىق-تۇلىك كولەمىندە عانا ەمەس، ونىڭ قۇرىلىمى بويىنشا دا بار.

ۇلتتىق ستاتيستيكا ماماندارىنىڭ مالىمەتىنشە، باي-قۋاتتى قازاقستاندىقتار از قامتىلعان توپقا جاتاتىن ازاماتتارعا قاراعاندا بالىق جانە تەڭىز ونىمدەرىن 4,3 ەسە، ەتتى 3,8 ەسە، جەمىس-جيدەكتى 4 ەسە كوپ تۇتىنادى.

اۋقاتتى وتباسىندا ءبىر ادامعا توقسانىنا 37,7 كەلى ەت پەن شۇجىق تۇتىنىلادى (ايىنا 12,5 كەلى نەمەسە كۇنىنە 400 گ)، ال كەدەيلەردە نەبارى 9,8 كەلى (ايىنا 3,2 كەلى نەمەسە كۇنىنە 100 گ).

سونداي-اق، باي-قۋاتتى وتباسىلار از قامتىلعاندارمەن سالىستىرعاندا ءسۇت ونىمدەرى، كوكونىستەر، تاتتىلەردى 3 ەسە، ال كارتوپ، جارما جانە نان 1,7 ەسە كوپ تۇتىنادى.

ايتا كەتەتىن جايت، اۋىلداعى اۋقاتتىلار قالالىقتارعا قاراعاندا تاماقتى كوپ تۇتىنادى.

از قامتىلعان وتباسىلار بويىنشا دا جاعداي سولاي. ەلدى مەكەندەردە كۇن كورۋ وڭايىراق.

وتكەن جىلدىڭ ءتورتىنشى توقسانىنداعى ازىق-تۇلىكتى تۇتىنۋ كولەمىن 2021-جىلمەن سالىستىرساق، بىلتىر از قامتىلعان قازاقستاندىقتار ايتارلىقتاي ۇنەمدەگەن.

مىسالى، وتكەن جىلى ءسۇت ونىمدەرىن تۇتىنۋ بويىنشا جوعارىدا حالىق توبى 16 پايىزعا، ەت 8,1 پايىز، كوكونىس 8,9 پايىز جانە ءتاتتى جەۋدى 6,7 پايىزعا ازايتقان.

سونىمەن قاتار اۋقاتتى قازاقستاندىقتاردىڭ ءمازىرى قۇرامى دا وزگەرگەن. اتاپ ايتقاندا، ءسۇتتى تۇتىنۋدى 16 پايىزعا، بالىقتى 14,4 پايىز، ەتتى 6 پايىز، جارما مەن نان جەۋدى 10,9 پايىزعا تومەندەتكەن.

وسى ورايدا نەلىكتەن اۋقاتتى ادامدار ازىق-تۇلىكتى ۇنەمدەدى دەگەن سۇراق تۋىندايدى. بۇل سۇراققا جاۋاپ بەرۋ ءۇشىن ستاتيستيكا ماماندارىنىڭ ەڭ باي حالىقتىڭ 10 پايىز ساناتىنا كىمدى جاتقىزىپ وتىرعانىن ءتۇسىنۋ كەرەك.

ۇلتتىق ستاتيستيكا بيۋروسى مەتودولوگياسىنا سايكەس، حالىق سانى 19,7 ميلليون بولسا، ءار توپتا 1,9 ميلليون ادامنان كەلەدى.

اۋقاتتى ازاماتتار توبىنا جاتاتىندار كىرىسىنىڭ ورتاشا اريفمەتيكالىق ءمانى ەسەپكە الىنادى (نومينالدى جالاقى پرينتسيپى بويىنشا). اتالعان ساناتقا 142,2 مىڭنان 1,6 ميلليون تەڭگەگە دەيىنگى ارالىقتا تابىسى بار ادامدار كىرەدى.

ناتيجەسىندە ءتورتىنشى توقساندا ەڭ قامتىلعانداردىڭ 10 پايىز توبىنداعى حالىقتىڭ ورتاشا تابىسى ءبىر ادامعا شاققاندا 201,6 مىڭ تەڭگەنى قۇرادى.

باي-قۋاتتى توپقا جاتاتىن ازاماتتاردىڭ كىرىس تەڭسىزدىگى ولاردىڭ ازىق-تۇلىك شىعىندارىنىڭ ۇلەسىن انىقتاعان كەزدە دە ايقىن كورىنەدى.

وسىلايشا، اۋقاتتى قازاقستادىقتاردىڭ ۇشتەن ءبىر بولىگىنىڭ تۇتىنۋ شىعىندارىنىڭ 60 پايىزى ازىق-تۇلىككە كەتەدى.

از قامتىلعاندار ساناتىنا جاتاتىندار وتباسىنىڭ ەكونوميكالىق جاعدايى بويىنشا انىقتالادى.

وسى توپقا جاتاتىنداردىڭ جارتىسىنا جۋىعى (43 پايىز) تۇتىنۋعا جۇمسالاتىن اقشانىڭ 60 پايىزدان استامىنا ازىق-تۇلىك الادى.