ەكى قازاقستاندىق وڭتۇستىك كورەيا شەكاراسىنان زاڭسىز وتپەك بولعان: وقيعانىڭ ءمان-جايى بەلگىلى بولدى
بۇل تۋرالى وڭتۇستىك كورەيا پابليكتەرى مەن الەۋمەتتىك جەلىلەردەن بەلگىلى بولدى. Korea Komek مالىمەتىنشە، قازاقستاندىقتار تۇركىستاننان.
«2002 جانە 2005 -جىلى تۋعان قازاقستاندىقتار 25- ناۋرىزدا وزبەكستاننان Korea Air اۋەكومپانياسىنىڭ ۇشاعىمەن كورەياعا كەلگەن. قۇجاتتارىنىڭ دۇرىس بولماۋىنا بايلانىستى كەدەن قىزمەتكەرى ولاردى ەلگە كىرگىزبەي، دەپورتاتسيانى كۇتۋ زالىنا جىبەرگەن. ولار دەپورتاتسيا رەيسىن كۇتۋ كەزىندە، 26- ناۋرىزدا تاڭعى ساعات 4:20 شاماسىندا اۋەجايدىڭ ۇشۋ-قونۋ جولاعى جانىنداعى ءۇش مەترلىك قورشاۋدان اسىپ، قاشىپ كەتكەن»، - دەلىنگەن حابارلامادا.
ەكەۋى دە ءوز ىستەرىن مويىنداپ، تۋعان جەرىندە وتباسىن اسىراۋ ءۇشىن جۇمىسقا ۇشىپ كەلگەندەرىن ايتقان. وڭتۇستىك كورەيا پوليتسياسى ولاردى شەكارانى زاڭسىز كەسىپ ءوتىپ، قاشىپ كەتتى دەپ ايىپتادى. قازىر ەكى ازامات قاماۋعا الىنعان.
قوردىڭ قولداۋىمەن ءبىر قازاقستاندىق جاقىندا ەلىنە قايتارىلۋى كەرەك.
كورەيا بيلىگىنەن 3 كۇن بويى جاسىرىنىپ جۇرگەن ەكىنشى قازاقستاندىق الداعى 3 ايدى جەرگىلىكتى تۇرمەدە وتكىزەدى. كورەيا زاڭى بويىنشا، قازاقستاندىققا 15 جىلعا دەيىن مەرزىم بەرىلۋى مۇمكىن، ءبىراق ونىڭ ءوز ەركىمەن بەرىلۋى جاۋاپكەرشىلىكتى جەڭىلدەتەتىن جاعداي رەتىندە ەسكەرىلەدى.