مۇقاعاليدىڭ كوزىن كورگەن قاريا جەلى قولدانۋشىلارىن ءسۇيسىنتتى

None
استانا. قازاقپارات - فوتوگراف ەرنار المابەك مۇقاعاليدىڭ كوزىن كورگەن قاريا اۋعان اتامەن سۇحباتتاسىپ، اقىن تۋرالى ەستەلىگىن سۇرادى، - دەپ حابارلايدى Massaget.kz ءتىلشىسى.

فوتوگرافتىڭ سوزىنشە، ەل ارالاپ ءجۇرىپ، ادامدارمەن سۇحباتتاسۋ - سۇيىكتى ءىسى. كەزەكتى ءبىر ساپار كەزىندە اقيىق اقىن مۇقاعالي ماقاتايەۆتىڭ كوزىن كورگەن قاريامەن سۇحباتتاسۋدىڭ ءساتى تۋىپتى.

«نەشە ءتۇرلى كەيىپكەر كەزىكتىرەسىڭ. قازساڭ، اركىمنىڭ ءوز ايتارى بار. كەيدە تاڭعالدىرادى. قوشقار اۋىلىنا بارعانىمدا سونداعى جىگىتتەر اۋعان اتاعا ەرتىپ باردى. مۇقاعالي ماقاتايەۆتىڭ كوزىن كورگەن ەكەن. بىرگە اڭعا شىعىپتى. سول جايلى ءبىراز اڭگىمەلەستىك. كادر سىرتىندا نەبىر قىزىقتار ايتىلدى. تاسپالاپ ۇلگەرگەن ءساتىمدى نازارلارىڭىزعا ۇسىنامىن»، - دەيدى فوتوگراف.

اۋعان اتا مۇقاعالي ماقاتايەۆ ۇيىندە بىرنەشە رەت قوناق بولعانىن ايتتى.

Посмотреть эту публикацию в Instagram

Публикация от Yernar Almabek (@yernar.almabek)

«65 پە، 66 لاردا كەلدى. وندا مالدامىن. ەندى سوندا ويلايمىن، جيىرمانىڭ ىشىندەگى كەزىمىز. كوپ ەسكەرمەدىك قوي وندايدى. اكەم بار، شەشەم بار كەز. شاشى سول جەلكەسىنەن تۇسكەن سالبىراپ. جەڭىل كيىنىپ كەلگەن. سودان اكەمنىڭ كوك شەكپەنى بار ەدى. كۇن جاۋىن بولىپ، ءبىر كۇن ۇيدەن شىقپاي قالدىق. كۇن اشىلعاندا ۇلارعا شىقتىق. ۇلار كوپ بولاتىن ءوزى. «جۇلدىز» جۋرنالىنا جازىپتى مەنىڭ ايەلىمدى. «ارشالىنىڭ اق كەلىنى» دەپ. سونداي-سونداي اڭگىمەلەرىن ايتىپ، ەكى-ءۇش كۇن جاتىپ... كەيىن 70 جىلداردىڭ ىشىندە ءبىر كەلدى. وندا شيبۇتتا ەدىك. سول شيبۇتتا وتىرعاندا كەلىپ، سول جەردە ءبىر قونىپ قانا كەتتى»، - دەيدى ۆيدەوداعى قاريا.

جەلى قولدانۋشىلارى قاريانىڭ ونەگەلى اڭگىمەسىن تىڭداپ، وعان ۇزاق عۇمىر تىلەسە، ال وسىنداي ادەمى، جۇرەككە جىلى كورىنىستى كورسەتكەن فوتوگرافقا العىس بىلدىرگەن.

«اتامىزدىڭ ءجۇزى نۇرلى ەكەن، ءومىرى ۇزاق بولسىن!»، «كەرەمەت! وسىنداي رۋبريكاڭىز ۇنايدى»، «وسىنداي ساقالى وزىنە جاراسىپ تۇراتىن، سوزىندە ماعىناسى بار اتالاردى كورمەي قالدىق. كەرەمەت»، «وسىنداي كونە كوزدەرىمىزدى كورگەن اتامىز امان-بولسىن! دەنساۋلىعى مىقتى بولىپ اتامىز امان ەسەن جۇرە بەرسىن!!!»، «امان بولسىن اتامىز»، - دەيدى پىكىر جازعاندار.

سوڭعى جاڭالىقتار