19:30, 30 - ناۋرىز 2023 | GMT +6
بيىل وڭىرلەردە پرەزيدەنتتىك جاستار كادرلىق رەزەرۆتەرى قۇرىلادى
استانا. قازاقپارات - بيىل وڭىرلىك پرەزيدەنتتىك جاستار كادرلىق رەزەرۆتەرىن جاساقتاۋ باستالادى، دەپ حابارلايدى قازاقپارات ءتىلشىسى.
«پرەزيدەنت تاپسىرماسى بويىنشا بيىل وڭىرلىك كادرلىق رەزەرۆتەر قۇرىلادى. بۇل ءوز كەزەگىندە بارلىق وڭىرلەردىڭ جاستارى ءۇشىن الەۋمەتتىك ليفتكە اينالادى. قازىرگى ۋاقىتتا وڭىرلىك رەزەرۆكە قاتىستى زاڭعا تۇزەتۋلەر ەنگىزۋ جانە ۇيىمداستىرۋ جۇمىستارى جۇرگىزىلۋدە»، - دەدى ق ر مەملەكەتتىك قىزمەت ىستەرى اگەنتتىگى ءتوراعاسىنىڭ سيفرلاندىرۋ جونىندەگى ورىنباسارى اينۇر سەرعازيەۆا پارلامەنت سەناتىنىڭ دەپۋتاتتارىمەن كەزدەسۋ كەزىندە.
ەسكە سالايىق، بيىل كۇزدە پرەزيدەنتتىك جاستار كادرلىق رەزەرۆىنە كەزەكتى ىرىكتەۋ وتەدى. بۇل جولى جاستار 8 باعىت بويىنشا ىرىكتەلەدى.
سونىمەن قاتار، پارلامەنت پالاتالارىنىڭ بىرلەسكەن وتىرىسىندا مەملەكەت باسشىسى قاسىم-جومارت توقايەۆ ساياسي پارتيالاردىڭ كادرلىق رەزەرۆىن جاساقتاۋدى ۇسىندى.