الەمدەگى ەڭ قارت تورەشىنى بىلەسىز بە؟
دەربيشيردىڭ وڭتۇستىك- شىعىسىندا ورنالاسقان شيپلي اۋىلىندا دۇنيەگە كەلگەن قاريا ەڭبەك جولىن 1968 -جىلى باستاعان. 15 جىلعا جۋىق اعىلشىن پرەمەر-ليگاسىنداعى ويىندارعا تورەلىك ەتتى. كەيىن كاسىبي مانسابىن اياقتاعان سوڭ فۋتبولدان قول ۇزگىسى كەلمەي، ايماقتىق ليگالارداعى كەزدەسۋلەرگە باس قازى بولۋدى ءجون ساناعان.
ول جاقىندا مەرەيلى 2082-ويىنىن وتكىزدى. 85 جاستاعى بىلىكتى مامان «ميكليۆەر اتلەتيك» پەن «بارگەيت روۆەرس» اراسىنداعى فينالدىق كەزدەسۋدە فۋتبولشىلاردى الاڭعا باستاپ شىقتى. بۇل كورسەتكىش بويىنشا الەمدە ونىمەن تەڭەسەتىن تورەشى جوق.
ۋيتتاكەر تىلشىلەرگە بەرگەن سۇحباتىندا تاياۋ ارادا مانسابىن اياقتامايتىنىن ايتتى. دەنساۋلىعى سىر بەرمەسە، ءالى ءبىراز ۋاقىتقا دەيىن تورەشىلىك ەتكىسى كەلەدى.
«فۋتبول الاڭىنداعى جۇمىسىما كوڭىلىم تولماعان كۇنى مەن ءبارىن تاستاۋعا دايىنمىن. ءبىراق ول كۇنگە دەيىن ءبىراز ۋاقىت بار سەكىلدى»، - دەپ كۇلدى تەرەنس.
turkystan.kz