قازاقستان مەن رەسەي شەكاراسىنداعى وتكىزۋ پۋنكتى جۇمىسىن ۋاقىتشا توقتاتتى

استانا. قازاقپارات – قوستاناي وبلىسىنداعى رەسەيمەن شەكارادا ورنالاسقان «جەلقۋار» اۆتوموبيل وتكىزۋ پۋنكتى سۋ تاسقىنى سالدارىنان ۋاقىتشا جابىلدى، - دەپ حابارلايدى Massaget.kz ءتىلشىسى شەكارا قىزمەتىنە سىلتەمە جاساپ.

«سۋ تاسقىنى جاعدايىنا بايلانىستى 2023-جىلعى 29- ناۋرىزدان باستاپ قوستاناي وبلىسى ءجىتىقارا اۋدانى اۋماعىنداعى رەسەي فەدەراتسياسى چەليابينسك وبلىسىنىڭ رەسەيلىك «مارينسكي» وتكىزۋ پۋنكتىنە قاراما-قارسى ورنالاسقان «جەلقۋار» اۆتوموبيلدىك وتكىزۋ پۋنكتىندە قازاقستان رەسپۋبليكاسىنىڭ مەملەكەتتىك شەكاراسى ارقىلى ادامداردى، كولىك قۇرالدارىن، جۇكتەر مەن تاۋارلاردى وتكىزۋ ۋاقىتشا توقتاتىلدى»، - دەلىنگەن حابارلامادا.

«جەلقۋار» اۆتوموبيل وتكىزۋ پۋنكتىندە قازاقستان رەسپۋبليكاسىنىڭ مەملەكەتتىك شەكاراسى ارقىلى ادامداردى، كولىك قۇرالدارىن، جۇكتەر مەن تاۋارلاردى وتكىزۋدى قايتا باستاۋ تۋرالى اقپارات كەيىنىرەك جاريالانادى.

كولىك جۇرگىزۋشىلەرىنە وسى جاعدايدى ەسكەرىپ، قوزعالىس باعىتىن تۇزەتۋ ۇسىنىلدى.