قازاقستان جاس وسپىرىمدەرى الەم چەمپيوناتىنىڭ جولداماسى ءۇشىن جاپونيامەن تالاسادى
قازاقستان تەننيس فەدەراتسياسىنىڭ باسپا ءسوز قىزمەتىنەن ءمالىم ەتكەنىندەي، قازاقستاندىق جاس وسپىرىمدەر ءوز توبىندا ءۇش كەزدەسۋ وتكىزدى.
سەرگەي كۆاكتىڭ شاكىرتتەرى يوردانيا مەن سينگاپۋردى جەڭگەنىمەن، بۇگىن سوڭعى ويىندا اۋسترالياعا ەسە جىبەردى - 0:3.
وسىلايشا، ەرتەڭ قازاقستان جاس وسپىرىمدەر قۇراماسى شيرەك فينالدا جاپونيامەن شەبەرلىك بايقاسادى.
جاپوندىقتاردى جەڭگەن جاعدايدا قازاقستاندىقتار جارتىلاي فينالعا شىعىپ قانا قويماي، جازدا چەحيانىڭ پروستەيەۆ قالاسىندا وتەتىن الەم چەمپيوناتىنا جولداما الادى.
ەسكە سالا كەتەيىك، بۇدان بۇرىن ەلەنا رىباكينانىڭ العاش رەت مايامي ماستەرس تۋرنيرىنىڭ جارتىلاي فينالىنا شىققانىن جازعان بولاتىنبىز.
ەلەنا رىباكينا سەرەنا ءۋيليامستىڭ تاريحي ناتيجەسىن قايتالادى. سونداي-اق ەلەنا رىباكينا ەيس جاساۋ جونىنەن الەم تەننيسشىلەرىنىڭ كوشىن باستادى.