مەن قارسى بولعان بيلىكتىڭ جارتىسى جوق - رينات زايتوۆ
«امانات» پارتياسىنا قاتىستى سايلاۋ باستالعاننان ءتۇرلى بەينەجازبالار تارادى. ولاردى وتىرىك دەپ ايتا المايمىز، جاسىرۋعا دا بولمايدى. وعان جاۋاپتى ادامدار، نارازى توپتار اياعىنا دەيىن تاباندىلىق تانىتىپ، ءتيىستى ورىندارعا ارىزدانىپ، ءىستى اياعىنا دەيىن جەتكىزسە ەكەن دەيمىن. دەسە دە، مەن سايلاۋدى ءادىل ءوتتى دەپ ايتار ەدىم. «امانات» بارلىق جاعىنان باسىم ءتۇستى. وعان ەشكىمنىڭ داۋى جوق»، - دەدى ايتىسكەر ءارى حالىق قالاۋلىسى.
ول ءوزىنىڭ وڭىرلەردى ارالاپ، حالىقپەن شىنايى كەزدەسۋ وتكىزگەنىن العا تارتتى. ەشقانداي جاساندى شارالار ۇيىمداستىرماعان، جۇرتشىلىقپەن ناقتى بايلانىس ورناتۋعا تىرىسقان.
«سوندىقتان تولىققاندى حالىقتىڭ سەنىمىمەن داۋىس جينادىم دەپ ايتا الامىن»، - دەدى ول.
رينات زايىتوۆ دەپۋتات رەتىندە، ەڭ الدىمەن ءتىل ماسەلەسىن شەشۋگە كۇش سالاتىنىن مالىمدەدى. سونىمەن قاتار بيلىككە قارسى ويى وزگەرمەگەنىن ايتتى.
«الايدا، مىنانى دا ەسكەرۋ كەرەك، قازىرگى تاڭدا مەن قارسى بولعان بيلىكتىڭ جارتىسىنان كوبىسى جوق. ال قازىرگى بيلىكپەن ەندى جۇمىس ىستەيىن دەپ جاتىرمىز. ونىڭ ناتيجەسى قانداي بولاتىنىن وزدەرىڭىز كورەتىن بولاسىزدار»، - دەدى دەپۋتات.